मालवण रेवतळे येथे ३ जुलैपासून पावसाळी रबर बाॅल क्रिकेट स्पर्धा.
मालवण | ब्यूरो न्यूज : रुपेश करलकर आणि उमेश चव्हाण मित्रमंडळ यांच्या संयुक्त विद्यमाने आयोजित ‘एक गाव एक संघ’ पावसाळी रबर बॉल क्रिकेट स्पर्धेला ३ जुलै पासून, महापुरुष रेवतळे येथील मैदानावर खेळवली जाणार आहे. ही स्पर्धा ६ जुलैपर्यंत चालेल.
या स्पर्धेतील विजेत्या संघाला २५,०००/- रुपये रोख रक्कम व आकर्षक चषक प्रदान करण्यात येणार आहे. तर उपविजेत्या संघाला १५,०००/- रुपये व आकर्षक चषकदेऊन गौरवण्यात येईल. वैयक्तिक कामगिरी करणाऱ्या खेळाडूंनाही प्रोत्साहन देण्यासाठी विशेष पारितोषिके ठेवण्यात आली आहेत. यामध्ये उत्कृष्ट फलंदाज, उत्कृष्ट गोलंदाज आणि मालिकावीर यांना आकर्षक चषक देऊन सन्मानित केले जाईल.
स्पर्धेतील सामने ‘SKY NEWS TODAY’ या युट्यूब चॅनलवर थेट प्रक्षेपित केले जाणार आहेत अशी माहिती मिळत आहे.
या स्पर्धेबद्दल अधिक माहितीसाठी किंवा प्रवेशिकेसाठी इच्छुकांनी पायस अल्मेडा (९३०७९१५१४१) यांच्याशी संपर्क साधावा असे आवाहन आयोजकांनी केले आहे.
सौजन्य : मालवण ब्यूरो
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
