श्री वटवृक्ष स्वामी महाराज देवस्थानचे चेअरमन तथा नगरसेवक महेश इंगळे यांचा जगद्गुरू बसवलिंग रत्न पुरस्काराने सन्मान.

अक्कलकोट | प्रतिनिधी : नागणसूर येथील श्री जगद्गुरु बसवलिंगेश्वर महासंस्थान, तुप्पीन मठ यांच्या वतीने दिला जाणारा यंदाचा 'जगद्गुरु बसवलिंगरत्न पुरस्कार', तुप्पीन मठाचे डॉ. अभिनव बसवलिंग महास्वामीजी यांच्या हस्ते येथील श्री वटवृक्ष स्वामी महाराज देवस्थानचे चेअरमन महेश इंगळे यांना प्रदान करण्यात आला. प्रसिद्ध ज्ञान योगाश्रम मठाचे मठाधिपती प. पू. बसवलिंग महास्वामीजी यांनी महेश इंगळे यांच्या सर्वांगीण सामाजिक, अध्यात्मिक योगदानाची प्रशंसा केली. त्यांची नम्रता, सेवाभाव आणि धर्माबद्दल असलेल्या आस्थेला अनुरूप पुरस्कार प्रदान करताना आनंद झाल्याचेही त्यांनी नमूद केले व पुढील वाटचालीसाठी आशीर्वाद दिले. 

यावेळी उपविभागीय पोलीस अधिकारी राजेंद्र टाकणे, पोलीस निरीक्षक विनोद घुगे, संतोष पराणे, सचिन किरनळ्ळी, श्रीकांत झिपरे, श्रीशैल गवंडी, खाजप्पा झंपले, सुनिल पवार, अंकूश केत, डॉ. राजू मलंग, खाजप्पा झंपले, संतोष जमगे, बाळासाहेब एकबोटे, रमेश शिंदे, ज्ञानेश्वर भोसले, तुषार मोरे, स्वामीनाथ मुसळे, बसवराज करूटे आदींसह नागणसूर परिसरातील तसेच महाराष्ट्र - कर्नाटक सीमावर्ती भागातील नागरीक भाविक आदीसह विवीध क्षेत्रातील मान्यवर मोठ्या संख्येने उपस्थित होते.

महेश इंगळे यांना हा पुरस्कार मिळाल्याने अक्कलकोट नगरीसह विविध ठिकाणाच्या स्वामी भक्तांमधून आनंद व्यक्त करण्यात येत आहे.