ब्युरो न्यूज | विवेक परब : भाजपा किसान मोर्चा च्या जिल्हा कार्यकारणी बैठकीत वेंगुर्ले तालुक्यातील मातोंड गावचे बी. एस्. सी. ( कृषी) पदवीधर प्रफुल्ल उर्फ बाळु प्रभु यांना नियुक्ती पत्र भाजपा जिल्हाध्यक्ष राजन तेली यांच्या हस्ते देण्यात आले .
कुडाळ MIDC विश्रामगृहामध्ये आयोजित भाजपा किसान मोर्चाची पदाधिकारी निवडीची बैठक किसान मोर्चा चे नवनिर्वाचित जिल्हाध्यक्ष उमेश सावंत यांनी आयोजित केली होती .
या बैठकीस भाजपा जिल्हाध्यक्ष राजन तेली , महिला मोर्चा च्या जिल्हाध्यक्षा सौ संध्या तेरसे , संघटन सरचिटणीस प्रभाकर सावंत , जिल्हा सरचिटणीस व किसान मोर्चा संयोजक प्रसंन्ना ऊर्फ बाळु देसाई , जेष्ठ नेते विलासजी हडकर , जि.का.का.सदस्य बाळा सावंत , ज्ञानेश्वर केळजी , जि.चिटनीस बंड्या सावंत इत्यादी मान्यवर उपस्थित होते .
यावेळी किसान मोर्चा जिल्हाध्यक्ष उमेश सावंत यांनी जिल्हा सरचिटणीस , जिल्हा उपाध्यक्ष , जिल्हा चिटनीस , महिला संयोजक तसेच १४ मंडलाच्या अध्यक्षांना नियुक्तीपत्रे प्रदान करण्यात आली .
यावेळी मान्यवरांची सर्व नवनिर्वाचित पदाधिकारयांना शुभेच्छा देताना किसान मोर्चाच्या माध्यमातून सर्वसामान्य शेतकरयांना शासनांच्या योजनांचा फायदा मिळवुन देण्याचे आवाहन करण्यात आले .