श्री. दत्ता सामंत यांनी दिवंगत दामिनी पालव हिच्या कुटुंबीयांची भेट घेऊन केले सांत्वन.

कुडाळ | ब्यूरो न्यूज : नुकतीच, कुडाळ तालुक्यातील वर्दे येथील उदयोन्मुख सिंधुयुवती दिवंगत दामिनी पालव हिच्या निर्घृण खूनाची माणुसकीला आणि सिंधुदुर्ग जिल्ह्याला हादरवून संताप, चीड आणि अतीव वेदना देणारी घटना घडली. त्या पार्श्वभूमीवर सिंधुदुर्ग जिल्ह्यातील कुडाळ तालुक्यातल्या वर्दे येथील दिवंगत दामिनी पालव हिच्या कुटुंबीयांची भेट घेऊन, शिवसेना जिल्हाप्रमुख व उद्योजक दत्ता सामंत यांनी त्यांचे सांत्वन केले. त्यांनी दिवंगत दामिनी पालव हिच्या कुटुंबीयांना धीर देत दामिनीला न्याय मिळवून देण्यासाठी सर्वतोपरी प्रयत्न करण्याची ग्वाही दिली.

या प्रकरणाचा खटला जलदगती न्यायालयात चालवून संशयिताला लवकरात लवकर कठोर शिक्षा मिळावी, यासाठी प्रयत्न केले जातील. भविष्यात अशा घटनांची पुनरावृत्ती होऊ नये आणि समाजात योग्य संदेश जावा, यासाठी या प्रकरणात कठोरात कठोर शिक्षा होणे आवश्यक असल्याचे दत्ता सामंत यांनी सांगितले.

यावेळी जिल्हा परिषद उपाध्यक्ष दादा साईल, जिल्हा परिषद सदस्य दीपलक्ष्मी पडते, सभापती मिलिंद नाईक, संजय पडते, देवेंद्र नाईक, अरविंद करलकर, पंचायत समिती सदस्य नागेश आईर, पंचायत समिती सदस्या श्रावणी तेरसे, घनश्याम तेरसे, कीर्तीकुमार तेरसे, स्वरूप वाळके, काका कुडाळकर, विनायक राणे, सागर पालव, वर्देचे पोलीस पाटील तसेच कडावल - वर्दे परिसरातील ग्रामस्थ मोठ्या संख्येने उपस्थित होते.