| प्रतिनिधी : पावसाळ्यात तालुक्यात वीज समस्या जाणवत असल्या कारणाने ९ मे रोजी तालुक्यात विविध समस्या पावसाळ्यापूर्वी सोडविण्यासाठी महा मॅरेथॉन बैठकांचे आयोजन करण्यात आले आहे.

पावसाळा जवळ आला की तालुक्यातील वीज समस्या ही गंभीर रुप धारण करते. पावसाळ्यात तालुका अनेक दिवस काळोखात राहत आहे‌. गेले कित्येक दिवस पावसाळ्यातील वीज समस्या ही तालुक्याला डोकेदुखी ठरत आहे. त्यामुळे तालुक्यात महा मॅरेथॉन बैठकांचे आयोजन करण्यात आले आहे. शुक्रवार दिनांक ९ मे रोजी सकाळी १०:३० वाजता मांगेली-देऊळवाडी श्री सातेरी देवी मंदिर सभागृह, दुपारी १२:३० वाजता शांतादुर्गा मंदिर खोक्रल, दुपारी ३ वाजता झरे-२ ग्रामपंचायत कार्यालय, दुपारी ४ वाजता पिंपळेश्वर हॉल शहर, संध्याकाळी ५ वाजता सासोली ग्रामपंचायत हॉल येथे बैठकीचे आयोजन करण्यात आले आहे.

सदर बैठकांना अधिक्षक अभियंता सिंधुदुर्ग श्री. वनमारे, वीज ग्राहक संघटना सिंधुदुर्ग जिल्हा पदाधिकारी उपस्थित राहणार आहेत. तालुक्यातील वीज ग्राहकांनी वीज समस्या २ प्रति लेखी स्वरूपात, समस्यांच्या पुराव्यासह सदर ठिकाणचे फोटो किंवा आपण यापूर्वी दिलेले निवेदन आणायचे आहे‌. मोठ्या संख्येने सदर बैठकांना वीज ग्राहकांनी उपस्थित रहावे असे आवाहन वीज ग्राहक संघटना , अध्यक्ष व्यापारी संघटना, सरपंच संघटना, सर्व राजकीय पक्ष तालुकाध्यक्ष, नगराध्यक्ष यांनी आवाहन केले आहे.