दोडामार्ग येथे श्रम संस्कार शिबिरात भूषण सावंत यांचे 'आरोग्य व आहार' विषयक मार्गदर्शन.
दोडामार्ग येथे श्रम संस्कार शिबिरात भूषण सावंत यांचे 'आरोग्य व आहार' विषयक मार्गदर्शन.
संस्कृती व पारंपरिक आहार पद्धती जतन करायचे केले आवाहन.
दोडामार्ग | ब्यूरो न्यूज : लक्ष्मीबाई सिताराम हळबे महाविद्यालय, दोडामार्ग येथे आयोजित राष्ट्रीय सेवा योजना (एनएसएस) श्रम संस्कार शिबिराच्या बौद्धिक सत्रात 'बदलती जीवनशैली व आरोग्य' या विषयावर मार्गदर्शन करण्यात आले. या बौद्धिक सत्राच्या अध्यक्षस्थानी व्हाइस ऑफ मिडिया सिंधुदुर्ग जिल्हा कार्याध्यक्ष भूषण सावंत उपस्थित होते, तर व्यासपीठावर उपजिल्हा रुग्णालय दोडामार्गचे डॉ. रामदास रेडकर, भिकेकोनाळ ग्रामस्थ श्री. गवस आणि प्राध्यापक संजय खडपकर उपस्थित होते.
अध्यक्षीय भाषणात भूषण सावंत यांनी सुदृढ आरोग्यासाठी संस्कृती व पारंपरिक आहार पद्धती जतन करायचे आवाहन केले. सध्या, बदलती जीवनशैली असली तरी सकस आहार, वेळेवर झोप आणि स्वतःच्या आरोग्याची काळजी घेणे अत्यंत गरजेचे असल्याचेही त्यांनी स्पष्ट केले.
यावेळी डॉ. रामदास रेडकर यांनी बदलत्या जीवनशैलीचा आरोग्यावर होणारा विपरीत परिणाम स्पष्ट केला आणि त्याविषयी तांत्रिक वैद्यकीय मार्गदर्शन केले.
या बौद्धिक सत्राला उपस्थित एनएसएसचे स्वयंसेवकांनी भूषण सावंत, डाॅ. रेडकर अशा मान्यवरांच्या मार्गदर्शक सूचनांविषयी कृतज्ञता व्यक्त केली.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
