दोडामार्ग | ब्यूरो न्यूज : दोडामार्ग तालुका पत्रकार समितीच्या अध्यक्षपदी रत्नदीप गवस यांची सर्वानुमते बिनविरोध निवड करण्यात आली. सचिव पदी संदेश बाबासाहेब देसाई, उपाध्यक्षपदी ऋषिकेश सिताराम धर्णे व महेश यशवंत लोंढे तर खजिनदारपदी समीर रोहिदास ठाकूर यांची बिनविरोध निवड करण्यात आली.

दोडामार्ग तालुका पत्रकार समितीच्या नूतन कार्यकारणीची निवड प्रक्रिया मंगळवारी संपन्न झाली. यावेळी जिल्हा पत्रकार समितीचे सचिव बाळ खडपकर यांनी निवडणूक निरीक्षक म्हणून काम पाहिले. यावेळी जिल्हा पत्रकार संघाचे अध्यक्ष उमेश तोरस्कर उपस्थित होते. निवडणुकीच्या प्रक्रियेला सुरुवात झाली. चर्चेनंतर सर्वानुमते अध्यक्षपदी रत्नदीप गवस यांची बिनविरोध निवड करण्यात आली. या निवडीनंतर जिल्हा पत्रकार संघाचे अध्यक्ष उमेश तोरसकर व निवडणूक निरीक्षक बाळ खडपकर यांनी रत्नदीप गवस व नवनिर्वाचित कार्यकारणीच्या पदाधिकाऱ्यांचे पुष्पगुच्छ देऊन अभिनंदन केले.

यावेळी नूतन कार्यकारणी पुढील प्रमाणे अध्यक्ष रत्नदीप गवस, सचिव संदेश बाबासाहेब देसाई, उपाध्यक्ष महेश लोंढे व ऋषिकेश धर्णे, खजिनदार समीर ठाकूर, सदस्य प्रभाकर धुरी, संदीप देसाई, सुहास देसाई, वैभव साळकर, तेजस देसाई, पराग गावकर, गणपत डांगी, सुनील नांगरे, लखू खरवत, शंकर जाधव, गजानन बोंद्रे, ओम देसाई, साबाजी सावंत, राजेश देसाई, भिकाजी गवस, परब उपस्थित होते.