९ ऑक्टोबरला माजी खासदार डाॅ. निलेश राणे यांच्या उपस्थितीत सोहळ्याचा होणार शुभारंभ ; १५ ऑक्टोबरला केंद्रीय मंत्री नारायण राणे यांच्यासह दिग्गजांनी उपस्थिती.

सावंतवाडी | ब्यूरो न्यूज : सिंधुदुर्ग जिल्ह्यातील
भाजपचे युवा नेते तथा युवा उद्योजक विशाल प्रभाकर परब यांचा वाढदिवस ९ ते १५ ऑक्टोबर असा आठवडाभर विविध सामाजिक व सांस्कृतिक उपक्रमांनी दणक्यात साजरा होत आहे. याच पार्श्वभूमीवर सावंतवाडी,कुडाळ व दोडामार्ग या ठिकाणी विविध सामाजिक आणि सांस्कृतिक कार्यक्रमाचे आयोजन करण्यात आले आहे. पॉप सिंगर जुबिन नौटियाल यांच्यासह प.पू.इंदुरकर महाराजांच्या किर्तनाचा कार्यक्रम सिंधुदुर्ग जिल्ह्यात प्रथमच आयोजित करण्यात आला आहे अशी माहिती भाजपाचे ज्येष्ठ नेते दत्ता सामंत यांनी सावंतवाडी येथील शिल्पग्राम येथील आयोजित केलेल्या पत्रकार परिषदेत दिली.

यावेळी भाजपचे माजी जिल्हा परिषद उपाध्यक्ष रणजित देसाई, सावंतवाडीचे माजी नगराध्यक्ष संजू परब, तालुकाध्यक्ष दादा साईल, जिल्हा उपाध्यक्ष बाळु देसाई, माजी नगरसेवक मनोज नाईक, कुडाळचे माजी सभापती मोहन सावंत, सिंधुदुर्ग जिल्हा बँकेचे संचालक प्रकाश मोर्ये, रुपेश कानडे, बंड्या सावंत असे पदाधिकारी यावेळी उपस्थित होते.

तर या वाढदिवस सोहळयाचा शुभारंभ कुडाळ येथे ९ ऑक्टोबर रोजी माजी खासदार निलेश राणे यांच्या उपस्थितीत होणार आहे. त्याच दिवशी सायंकाळी ६ वाजता इंदुरकर महाराजांच्या कीर्तनाचा कार्यक्रम होणार आहे. तर ११ तारखेला दोडामार्ग येथे सिने अभिनेता क्रांती मळेगांवकर यांच्या उपस्थितीत ‘न्यू होम मिनीस्टर’ खेळ रंगला पैठणीचा हा कार्यक्रम संपन्न होणार आहे. १३ ऑक्टोबरला वेंगुर्ले येथील कॅम्प स्टेडीयम मध्ये भव्य दांडीया स्पर्धेचे आयोजन करण्यात आले आहे. या कार्यक्रमाचा समारोप १५ ऑक्टोबरला सावंतवाडी येथे होणार आहे. वाढदिवसाच्या मुख्य कार्यक्रमासाठी केंद्रीय मंत्री नारायण राणे आणि पालकमंत्री रविंद्र चव्हाण तसेच जिल्ह्यातील भाजपाच्या प्रमुख दिग्गजांची उपस्थिती असणार आहे.

सायंकाळी ७ वाजता पॉप सिंगर जुबिन नौटियाल यांचा लाईव्ह गाण्याचा कार्यक्रम होणार आहे. या कार्यक्रमाचा सर्व जिल्ह्यातील रसिक प्रेक्षकांनी आणि विशाल परब यांच्या चाहत्यांनी उपस्थित राहुन आनंद घ्यावा असे आवाहन भाजपाचे ज्येष्ठ नेते श्री.दत्ता सामंत यांनी केले आहे.