बांदा | राकेश परब : गेली ११ वर्षे ‘कोकण कला व शिक्षण विकास’ संस्थेच्या माध्यमातून सिंधुदुर्ग, रायगड, नाशिक, पालघर , बीड , ठाणे , पुणे जिल्ह्यामध्ये सामाजिक, शैक्षणिक व आरोग्य विषयक विविध कार्यक्रम तसेच ग्रामीण भागातील महिलांना अर्थाजनाचे साधन निर्माण व्हावे यासाठी ग्रामपंचायतीच्या सहकार्याने विविध व्यावसायिक प्रशिक्षणे आयोजित केली जातात. विविध सामाजिक उपक्रम करत असताना ज्या गरजू मुलांना शिकण्याची इच्छा आहे मात्र आर्थिक परिस्थिती कमकुवत आहे अशा शेकडो मुलांना कोकण संस्थेच्या वतीने शैक्षणिक साहित्य म्हणून दफ्तर व वह्या वाटप केले जाते.

३० जूनला कुडाळ तालुक्यातील शिवराज मराठा व उच्च माध्यमिक विद्यालय, साळगांव या प्रशालेत शिकणाऱ्या १० गरजू व हुशार मुलांना कोकण संस्थेच्या वतीने दफ्तर व वह्या वाटप करण्यात आल्या . या शैक्षणिक साहित्य वाटप कार्यक्रमाच्या वेळी कोकण संस्थेचे समन्वयक श्री. समिर शिर्के, श्री. हनुमंत गवस ( समन्वयक -कोकण संस्था), श्री. विद्यानंद पिळणकर, श्री. विश्वास धुरी , श्री. आनंद हळदणकर , श्री. राहुल कानडे अए शिक्षक व शाळेचे सर्व विद्यार्थी विद्यार्थिनी उपस्थित होते. शाळेचे मुख्याध्यापक श्री. सलीम टकीलदार, श्री.प्रदीप प्रभूतेंडोलकर (संस्था अध्यक्ष), श्री.मुकुंद धुरी (सचिव) अन्य संस्था पदाधिकारी ,शिक्षक यांनी कोकण संस्थेचे आभार मानले व संस्थेच्या पुढील उपक्रमांना शुभेच्छा दिल्या.