भाजपा नेते व माजी खासदार डाॅ. निलेश राणेंची वचनपूर्ती.
पोखरण वरचीवाडी मोरी बांधकामासाठी केंद्रीय मंत्री नारायणराव राणे यांच्या माध्यमातून ८ लाखांचा निधी मंजूर.
कुडाळ | प्रतिनिधी : सिंधुदुर्ग जिल्ह्यातील आघाडीचे भाजपा नेते व माजी खासदार डाॅ. निलेश राणे काही दिवसांपूर्वी कुडाळ दौऱ्यावर असताना त्यांनी जिल्हा वार्षिक योजनेअंतर्गत मंजूर कामांची भूमिपूजन करण्याकरीता पोखरण येथे भेट दिली होती. यावेळी पोखरण येथे महापुरुष वरचीवाडी येथे जाणाऱ्या रस्त्यावरील खचलेल्या मोरीची पहाणी निलेश राणे यांनी यावेळी केली होती. किमान ३५० लोकवस्तीच्या या भागाचा मोरी खचल्याने पावसाळ्यात मुख्य रस्त्यापासून संपर्क तुटणार होता.
त्यावर पोखरण ग्रामस्थांनी तातडीने या मोरी बांधकामासाठी निधी उपलब्ध करून देण्याची मागणी केली होती, त्यानुसार तातडीने केंद्रीय मंत्री नारायणराव राणे यांच्या खासदार निधीतून ८ लक्ष एवढा निधी उपलब्ध करून देत निलेश राणे यांनी पोखरण ग्रामस्थांची समस्या मार्गी लावली आहे त्यामुळे ग्रामस्थांत समाधान व्यक्त होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
