मसुरे | प्रतिनिधी :

कुडाळ तालुक्यातील मौजे पिंगुळी येथे विहीरी मध्ये पडलेल्या वन्यप्राणी स्मॉल इंडियन सिवेट कॅट/वाघाटीची सुखरूप सुटका शनिवारी करण्यात आली. शनिवारी सकाळी ११ च्या सुमारास पूजा वालावलकर यांचेकडून वनविभागास माहिती मिळ्ताच वनपरिक्षेत्र कुडाळचे रेस्क्यू पथकाने तात्काळ घटनास्थळी दाखल होत 15 ते http://localhost/news/public/uploads/20 फूट खोल विहिरीतून वन्यप्राणी स्मॉल इंडियन सिवेट कॅट/वाघाटी यास सुखरूप बाहेर काढले.
स्थानिक ग्रामस्थांनी वेळीच माहिती वनविभागाला देऊन बचाव कार्यास देखील मदत केल्याने वन्यप्राणी स्मॉल इंडियन सिवेट कॅट/वाघाटी चा जीव वाचवता आला त्यासाठी ग्रामस्थांचे वनविभागाकडून आभार व्यक्त करण्यात आले.
रेस्क्यू करण्यात आलेल्या वन्यप्राणी स्मॉल इंडियन सिवेट कॅट/वाघाटी ची वैद्यकीय तपासणी श्री. विद्याधर ठाकूर सहा.आयुक्त पशुसंवर्धन,कुडाळ यांचेकडून करून त्यास नैसर्गिक अधिवासात मुक्त करण्यात आले.
सदर वन्यप्राणी स्मॉल इंडियन सिवेट कॅट/वाघाटी चे रेस्क्यु उपवनसंरक्षक सावंतवाडी श्री .एस एन रेड्डी व प्रभारी सहाय्यक वनसंरक्षक (खाकुतो व वन्यजीव) सावंतवाडी श्री. अमृत शिंदे यांच्या मार्गदर्शनाखाली वनपरिक्षेत्र अधिकारी कडावल अमित कटके, वनपाल नेरूर धुळु कोळेकर, वनपाल मठ सावळा कांबळे , यशवंत कदम,वनमजूर नेरूर ,राहुल मयेकर वाहन चालक यांनी स्थानिक ग्रामस्थांच्या मदतीने यशस्वी केले.