परमपूज्य सद्गुरू सदानंद माऊली महाराज यांचा १ नोव्हेंबर रोजी १४ वा पुण्यस्मरण दिन सोहळा.

वायरी बांध येथे विविध कार्यक्रमांचे आयोजन.

मालवण | प्रतिनिधी : सिंधुदुर्ग जिल्ह्यातील, मालवण तालुक्यातल्या क्षेत्र दत्त मंदिर, वायरी बांध येथे परमपूज्य गुरुवर्य श्री सद्गुरू सदानंद माऊली महाराज यांचा १४ वा पुण्यस्मरण दिन सोहळा रविवार, दिनांक १ नोव्हेंबर २०२६ रोजी साजरा करण्यात येणार आहे.

या पुण्यस्मरण सोहळ्यानिमित्त दिवसभर विविध धार्मिक कार्यक्रमांचे आयोजन करण्यात आले आहे. सकाळी १० वाजता परमपूज्य गुरुवर्यांच्या निर्गुण पादुकांवर लघुरुद्राभिषेक करण्यात येणार आहे. दुपारी १ वाजता भाविकांसाठी महाप्रसादाचे आयोजन करण्यात आले आहे. सायंकाळी ७.३० वाजता आरती व सांप्रदायिक भजनाचा कार्यक्रम होणार आहे.

परमपूज्य सद्गुरू सदानंद माऊली महाराज यांच्या स्मृतींना वंदन करण्यासाठी तसेच त्यांच्या आध्यात्मिक विचारांचा आणि भक्तीपरंपरेचा वारसा पुढे नेण्यासाठी हा पुण्यस्मरण सोहळा आयोजित करण्यात आला आहे.

या धार्मिक सोहळ्यास सर्व भाविक भक्तांनी सहकुटुंब व सहपरिवार उपस्थित राहून गुरुवर्यांचे दर्शन घ्यावे आणि महाप्रसादाचा लाभ घ्यावा, असे नम्र आवाहन श्री सद्गुरू सदानंद माऊली महाराज सांप्रदाय, मालवणचे कार्याध्यक्ष कृष्णा बांदेकर यांनी केले असून भालचंद्र उर्फ बबलू राऊत यांनी प्रसिद्धी संदेशाद्वारे माहिती दिली आहे