कुडाळ तालुक्यातील नेरूर-गोंधयाळे येथे शुक्रवार, दिनांक २७ मे, २०२२ रोजी भव्य आयोजन..!

कुडाळ । देवेंद्र गावडे
बुधवार । २५ मे २०२२ :-

प्रतिवर्षीप्रमाणे कुडाळ तालुक्यातील नेरूर-गोंधयाळे येथील देवी भवानी माता मंदिराचा ४था वर्धापन दिन सोहळा शुक्रवार, दि. २७ मे, २०२२ रोजी विविध कार्यक्रमांच्या माध्यमातून साजरा करण्यात येणार आहे.

सर्वप्रथम सकाळी ८ ते ९ वा. या वेळेत श्री देवी भवानी मातेची विधिवत पूजा व अभिषेक करण्यात येईल.

त्यानंतर सकाळी ९ ते १०.००वा. महिला कुंकूमार्चन व अभिषेक होईल.

या कार्यक्रमाच्या निमित्ताने सत्यानारायण महापूजेचे देखील आयोजन करण्यात आले आहे. ही महापूजा स. १०.००ते दू. १२.३० या दरम्यान संपन्न होईल.

महाप्रसाद दू. १२.३० ते ३.०० या वेळेत असेल.

सायंकाळी ४.०० वाजल्यापासून सांस्कृतिक कार्यक्रमांना सुरूवात होईल. यामध्ये स्थानिकांची भजने, लहान मुलांचे रेकाॅर्ड डान्स इत्यादि कार्यक्रमांचा आस्वाद भाविकांना घेता येईल.

त्याचबरोबर रात्रौ ठीक ९.०० वा. वावळेश्वर दशावतार नाट्यमंडळ, तेंडोली यांचा दणदणीत नाट्यप्रयोग होणार आहे.

तरी सर्व भाविकांनी, नाट्यरसिकांनी या संपूर्ण कार्यक्रमाचा लाभ घ्यावा असे आवाहन श्री भवानी मित्र मंडळ, नेरूर-गोंधयाळेच्यावतीने मंडळाचे क्रियाशील सदस्य श्री. राम कांबळी यांनी केले आहे.