<em>अवघ्या एका रात्रीत साकारले देवी जुगाबाईचे मंदिर..!</em>
वैभववाडी | प्रतिनिधी :
सांगुळवाडी,वायंबोशी आणि एडगाव या तिन्ही गावांच्या सीमेवर असलेले देवी जुगाबाईचे अत्यंत प्राचीन देवस्थान सर्वांचे श्रध्दास्थान आहे.
पूर्वी देवी जुगाबाईची काळ्या पाषाणातील कोरीव मुर्ती एका झाडाखाली सखल भागात पाणंदीशेजारी होती. ग्रामस्थांनी तिचे मंदीर उभारण्याकरिता ग्रामदैवतचा कौल घेतला.
परंतु मंदीर एका रात्रीत बांधण्याच्या अटीवर मंदीर उभारण्यास परवानगी मिळाली.त्यानंतर भक्त ग्रामस्थांनी देवीच्या आदेशानुसार एका रात्रीत सुंदर मंदीर बांधून पूर्ण केले आणि जुगाबाईच्या नविन मंदिराचा अनोखा इतिहास रचला.
त्यामंदीराचा वर्धापनदिन आज अतिशय उत्साहात साजरा केला जात आहे. त्याबद्दल सर्वाना मनःपूर्वक शुभेच्छा देतानाच मंदिर बांधण्याकरीता ज्या ज्या ग्रामस्थांनी योगदान दिले त्या ग्रामस्थांप्रती देवस्थान समितीने आभार व्यक्त केले आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
