मसुरे | प्राजक्ता पेडणेकर: मसुरे देऊळवाडा दत्तवाडी येथील श्री समर्थ बागवे महाराज संस्थानच्या दत्त मंदिरात १६ ते १९ डिसेंबर या कालावधीत दत्त जयंती उत्सव साजरा होणार आहे. यानिमित्त विविध कार्यक्रमांचे आयोजन करण्यात आले आहे. १६ डिसेंबर रोजी सायं. ५ वा. नाईट अंडरआर्म क्रिकेट स्पर्धा. १७ रोजी सकाळी श्री दत्त गुरुचे पूजन, श्री दत्त गुरूंच्या पादुकांवर अभिषेक व महाआरती, रात्रौ. ०८ वा. भजनी बुवा श्री अरुण घाडी(कुडाळ) व श्री संदिप लोके (देवगड) यांचा २० – २० भजन सामना, व अंडरआर्म क्रिकेट स्पर्धेचा बक्षीस वितरण कार्यक्रम होणार आहे. १८ रोजी सकाळी श्री दत्त गुरूंचे पूजन, पादुकांवर अभिषेक, दुपारी महाआरती, सायंकाळी गुरुचरित्र पोथी पूजन, स्थानिक पंचक्रोशीतील भजने, रात्री दीपोत्सव, रात्री १२ वा. दत्तजन्म सोहळा, पालखी सोहळा व श्री समर्थ बागवे महाराज भजन मंडळाचे दिंडी नृत्य होणार आहे. १९ रोजी सकाळी श्री दत्तगुरूंचे पूजन, श्री दत्तगुरूंच्या पादुकांवर अभिषेक, दुपारी महाआरती, २ ते ५ वा. महाप्रसाद आदी कार्यक्रम होणार आहेत. कोरोनाविषयक नियम पाळून भाविकांनी सोहळ्यात सहभागी व्हावे असे आवाहन श्री समर्थ बागवे महाराज संस्थानाच्या वतीने करण्यात आले आहे.