चौके /प्रतिनिधी: गोवा येथील टुरीस्ट बस ने शाळकरी विद्यार्थी ला उडविलेअपघातात १२ वर्षिय शालेय विद्यार्थ्यांचे दोन्ही पाय निकामी. चौके – गोड्याचीवाडी येथील घटना . मालवण वरुन पर्यटन करुन चौके मार्गे गोव्याच्या दिशेने जाणाऱ्या टुरीस्ट बसने चौके गोड्याची वाडी येथील बसस्टाँप नजीक शाळेतून घरी परतताना रस्ता ओलंडणाऱ्या १२ वर्षीय शालेय मुलाला समोरुन ठोकर दिल्याने बसची चाके विद्यार्थ्यांच्या पायावरुन गेली आणि त्याच्या दोन्ही पायाना गंभीर दुखापत झाली. या अपघातामुळे त्या मुलाचे दोन्ही पाय निकामी झाल्याची माहिती घटनास्थळी उपस्थित ग्रामस्थांकडून देण्यात आली. मालवण पर्यटन करुन पर्यटकांना घेऊन चौके मार्गे गोव्याच्या दिशेने सुसाट वेगाने टुरीस्ट बस चालक हरी मात्रु करंगुटकर रा. म्हापसा शिवोली हा त्याच्या ताब्यातील GA-03 W -9810 या बसने मंगळवारी सांयकाळी जात असताना 5.15 वाजण्याच्या दरम्यान चौके गोड्याची वाडी येथे शिवाजी विद्यामंदिर काळसे या शाळेतून आपल्या घरी निघालेल्या इयत्ता सहावीत शिक्षण घेणाऱ्या कु. निनाद नारायण मांडलकर या 12 वर्षीय विद्यार्थ्यांला चौके – गोड्याचीवाडी येथे रस्ता ओलंडताना जोरदार धडक दिली यात निनादच्या दोन्ही पायावरुन प्रवासी भरलेली बस गेल्याने गंभीर दुखापत झाली. तेथील ग्रामस्थ प्रभाकर परब , गौरव मांडलकर,विश्राम कदम, तसेच चौके येथील बंड्या गावडे, गोट्या गावडे यांनी तात्काळ धाव घेत या शालेय विद्यार्थ्यांला अधिक उपचारासाठी कुडाळ येथे नेले. यावेळी घटनास्थळी उपस्थितांनी बेदरकारपणे वाहन चालवणाऱ्या बसच्या चालकाला मारहाण करत पोलिसांच्या ताब्यात दिले. मालवण पोलिस ठाणे चे पोलीस संतोष पुटवाड, वाय. डब्ल्यू . सराफदार यांनी घटनास्थळी येत घटनेचा पंचनामा केला. आणि अधिक तपास करत आहेत. गोव्याहून येणारे वहानचालक सुसाट*गोव्यावरुन मोठ्या प्रमाणावर सिधुंदुर्गात पर्यटनासाठी पर्यटक घेऊन येणारे वहानचालक सुसाट वेगात असतात या वाहनचालकांकडून अनेक अपघात होत असतात अशी माहिती स्थानिक ग्रामस्थांनी दिली आणि यांना वेळीच आवर घालावा अशी मागणी पोलीसांकडे केली.