कुडाळमध्ये हृदयरोगग्रस्त प्रवर्गातील मुलांसाठी ०१ ऑगस्ट रोजी मोफत 2D इको तपासणी शिबीर.
कुडाळ | प्रतिनिधी : जन्मजात बालकापासून १८ वर्ष वयोगटातील हृदयरोगग्रस्त प्रवर्गातील मुलांसाठी 2D इको तपासणी शिबीर शुक्रवार, ०१ ऑगस्ट २०२५ रोजी जिल्हा महिला व बाल रुग्णालय, कुडाळ येथे आयोजित करण्यात आलेले आहे. या शिबीरामध्ये हृदयरोग निदान झालेल्या बालकांना राष्ट्रीय बाल स्वास्थ्य कार्यक्रमांतर्गत सामंजस्य करार झालेल्या बालाजी हॉस्पिटल मुंबई, रहेजा हॉस्पिटल मुंबई, कोकिलाबेन हॉस्पिटल मुंबई, फोर्टिस हॉस्पिटल मुंबई, अपोलो हॉस्पिटल मुंबई, ॲपल सरस्वती कोल्हापूर, ज्युपिटर हॉस्पिटल पुणे या शासन मान्यता प्राप्त रुग्णालयात संदर्भीत करून त्यांच्यावर मोफत उपचार करण्यात येणार आहेत.
तरी हृदयरोगग्रस्त प्रवर्गातील जास्तीत जास्त बालकांनी सदर शिबिराचा लाभ घ्यावा, असे आवाहन डॉ. श्रीपाद पाटील, जिल्हा शल्य चिकित्सक सिंधुदुर्ग यांनी केले आहे. अधिक माहितीसाठी जिल्हा कार्यक्रम पर्यवेक्षक श्री. राजेश पारधी (९४२२३७३१८८) यांच्याशी संपर्क साधावा.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
