महिला बचत गटांसाठी झटलेले व्यक्तिमत्व हरपल्याने परिसरात व्यक्त होतोय व्यक्त…..!

शिरगांव | संतोष साळसकर : देवगड तालुक्यातील साळशी-सरमळेवाडी येथील माजी ग्रा.पं. सदस्या तथा जागृती महिला बचत गट सरमळेवाडी च्या अध्यक्षा सौ. प्रीती प्रकाश रावले(५१) यांचे शनी.२३ ऑक्टो.रोजी कर्करोगाने उपचारादरम्याने निधन झाले.
त्यांच्या पश्चात पती,एक मुलगा,सुन,२ मुली,जावई,२ भाऊ,एक बहीण,नात असा परिवार आहे. गावात महिला बचत गटासाठी त्या खूप तळमळीने काम करायच्या.समाजसेवेची त्यांना खूप आवड होती.मनमिळाऊ आणि बोलक्या स्वभावाच्या होत्या.महिला बचतगटामार्फत त्यांनी विविध उपक्रम राबविले.तसेच साळशी हायस्कुलमध्ये मुलांना पोषण आहार शिजवून द्यायाचे काम त्यांनी केले होते. सरमळेवाडी येथील श्री वटेश्वरमंदिरात दरवर्षी होणाऱ्या महाशिवरात्रीच्या उत्सवात त्या हिरिरीने भाग घ्यायच्या.ग्रामपंचायत सदस्य म्हणून त्यांनी सन २००२ ते २००५ या कालावधीत चांगल्याप्रकारे विकासकामे केली.समाजकार्याची त्यांना खूप आवड होती.साळशी हायस्कुलचे सेवानिवृत्त कर्मचारी प्रकाश नारायण रावले यांच्या त्या पत्नी होत.यावेळी माजी प.स.सदस्य तथा माजी सरपंच सुनील गावकर,ग्रामविकास मंडळ संचलित साळशी विद्यामंदिर हायस्कुलचे अध्यक्ष तथा माजी सरपंच सत्यवान सावंत,साळशी हायस्कुलचे मुख्याध्यापक माणिक वंजारे, माजी उपसरपंच राजेंद्र साटम,विक्रांत नाईक,पोलीस पाटील सौ.कामिनी नाईक आदींसह अनेकांनी त्यांच्या कुटुंबियांचे सांत्वन केले.शनिवारी सायंकाळी त्यांच्यावर अंत्यसंस्कार करण्यात आले.समाजात त्या मनमिळाऊ आणि बोलक्या स्वभावाच्या होत्या.त्यांच्या अकाली निधनाने सर्वत्र हळहळ व्यक्त होत आहे.