दहा वर्षात वैभव नाईक यांनी धनगर समाजासाठी काहीच केलं नाही, जनता त्यांना या निवडणुकीत घरचा रस्ता दाखवेल : भाजपा भटके विमुक्त आघाडी सिंधुदुर्ग जिल्हा सरचिटणीस तथा कुडाळ मालवण विधानसभा प्रमुख दीपक खरात.

कुडाळ | ब्यूरो न्यूज : भाजपा भटके विमुक्त आघाडी सिंधुदुर्ग जिल्हा सरचिटणीस तथा कुडाळ मालवण विधानसभा प्रमुख दीपक खरात यांनी ऑल इंडिया धनगर समाजाचे माजी पदाधिकारी नवनाथ झोरे यांनी नवलराज काळे यांच्यावर केलेल्या टीकेचा समाचार घेतला आहे. दीपक खरात यांनी म्हणले आहे की हाताला धरून समाजकारण शिकवणाऱ्या गुरु समान नवलराज काळे यांच्या वरती नवनाथ झोरे यांनी केलेली टीका हास्यास्पद आहे. तसेच नवनाथ झोरे कोण आहेत व त्यांचे धनगर समाजासाठी योगदान काय असा सवाल देखील दीपक खरात यांनी केला आहे.

माजी खासदार निलेश राणे यांनी धनगर समाजासाठी काय केले ते आम्ही पुराव्यानिशी दाखवू परंतु तुमच्यात हिंमत आहे का नवनाथ आमदार वैभव नाईक यांनी काय काय कामे केली ती जाहीर करण्याची असे आवाहन दीपक खरात यांनी केले आहे. तसेच नवलराज काळे यांनी मालवण कुडाळ मधील अनेक धनगर वस्त्यांना निधी मिळवण्यासाठी भाजपा भटके विमुक्त आघाडीच्या जिल्हाध्यक्ष पदावरून प्रामाणिक प्रयत्न केले आहेत. त्यांच्यासोबत आम्ही देखील काम पाहत आहोत असे दीपक खरात यांनीम्हटले आहे. ज्या ठिकाणी जमिनीच्या अडचणी आहेत त्या ठिकाणी स्वतः जमीन मालकांची खुद्द नवलराज काळे संपर्क करत आहेत. त्यामुळे नवलराज काळे जिथे असतील तिथेच धनगर समाजाचे बांधव असतील. नवलराज काळे दांडगा पाठपुरावा करून प्रश्न मार्गी लावणारा नेतृत्व आहे याचे आम्ही सर्वजण साक्षीदार आहोत. येणाऱ्या काळात ही सर्व कामे मार्गे लागतील आणि ती सर्व कामे निलेश राणे साहेब यांच्या माध्यमातूनच होतील. वैभव नाईक यांनी गेले दहा वर्षे धनगर समाजाचा फक्त वापर केला आहे. निवडणुकीपूर्ती समाजाला जवळ करणे एवढाच धंदा वैभव नाईक यांनी गेले दहा वर्ष राबवला असे प्रत्युत्तर दीपक खरात यांनी नवनाथ झोरे यांनी केलेल्या टीकेला दिले आहे. धनगर समाज आता सुज्ञ आहे. या निवडणुकीतून धनगर समाज नक्कीच विधानसभा उमेदवार वैभव नाईकांना त्यांची जागा दाखवून देईल. यावेळी आमदार म्हणून निलेश राणेच निवडून येतील आणि राणेसाहेब धनगर समाजाचा विकास करू शकतात हे वारंवार या सिंधुदुर्ग जिल्ह्यात सिद्ध झाल आहे. त्यामुळे टीका करत असताना विचारपूर्वक करा अन्यथा गाठ आमच्याशी आहे असा इशारा भाजपा भटके विमुक्त आघाडीचे जिल्हा सरचिटणीस तथा कुडाळ मालवण विधानसभा मतदारसंघाचे प्रमुख दीपक खरात यांनी नवनाथ झोरे यांना दिला आहे. जे ऑल इंडिया धनगर समाज महासंघाचे माजी उपाध्यक्ष म्हणून मिरवता त्या पदावर नवलराज काळे यांनीच तुमची निवड केली होती. परंतु त्या पदावर ती आपण योग्य काम करू शकला नाहीत समाजाला न्याय देऊ शकला नाहीत म्हणून आपल्याला संघटनेतून फेरनिवड मिळाली नाही असेही त्यांनी सांगितले आहे. स्वतःच्या घराकडे जाणारा रस्ता सुद्धा तुम्हाला वैभव नाईक यांच्याकडून मंजूर करून घेता आला नाही. त्यामुळे वैभव नाईकांसाठी समाजाच्या नेतृत्वावरती टीका करू नका नवनाथ झोरे यांना दीपक खरात यांना सल्ला दिला आहे.