अठरा वर्षांवरील विद्यार्थी, शिक्षक व शिक्षकेतर कर्मचार्यांसाठी विशेष लसिकरण सत्र आयोजित करायचीही घोषणा ..!

ओरोस | प्रतिनिधी : सिंधुदुर्ग जिल्हा परिषद आणि जि.प.अध्यक्ष सौ.संजना सावंत यांच्या विशेष देखरेखीत जिल्ह्यातील आरोग्य यंत्रणेचे कोविड प्रतिबंधात्मक उपक्रम नियमीत सुरु आहेत. त्या अंतर्गत  मिशन युवा स्वास्थ covid-19 लसीकरण अंतर्गत दिनांक 25 ऑक्टोबर ते 2 नोव्हेंबर या कालावधीत 18 वर्षावरील सर्व विद्यार्थ्यांसाठी कोरोना प्रतिबंधक लसीकरण महाविद्यालय स्तरावर जिल्हा परिषद सिंधुदुर्ग माध्यमातून आयोजित करण्यात येत आहे. सदर मोहिमेअंतर्गत 18 वर्षावरील विद्यार्थी, शिक्षक व शिक्षकेतर कर्मचारी यांचे विशेष लसीकरण सत्र आयोजित करून लसीकरण पूर्ण करण्यात येणार आहे. तरी सर्व 18 वर्षावरील विद्यार्थ्यांनी व शिक्षक, शिक्षकेतर कर्मचाऱ्यांनी या सत्राचा लाभ घ्यावा असे आवाहन देखील जि.प.अध्यक्ष सौ.संजना सावंत यांनी केले आहे.
लसीकरणात पात्र लाभार्थ्यांची यादी शालेय शिक्षण व उच्च व तंत्रशिक्षण विभागाने संबंधित तालुका वैद्यकीय अधिकारी यांचेकडे सोपवण्यात बाबत अध्यक्ष जिल्हा परिषद सिंधुदुर्ग संजना सावंत यांनी सूचना दिल्या आहेत. आरोग्य विभागाने लसीकरण सत्रा साठी आवश्यक मनुष्यबळ उपलब्ध करून देण्याचे आदेश देखील जि.प. अध्यक्ष सौ.संजना सावंत यांनी जिल्हा आरोग्य अधिकारी व सर्व आरोग्य यंत्रणेला दिल्या आहेत. तरी सर्व 18 वर्षावरील विद्यार्थ्यांनी व शिक्षक, शिक्षकेतर कर्मचाऱ्यांनी या सत्राचा लाभ घ्यावा असे आवाहन देखील जि.प.अध्यक्ष सौ संजना सावंत यांनी केले आहे.