चाफेड ग्रामपंचायत मध्ये उत्साही वातावरणात ध्वजारोहण संपन्न
चाफेड ग्रामपंचायत ते भरणी ग्रामपंचायत पर्यंत भव्यदिव्य मोटरसायकल रॅली
शिरगांव | संतोष साळसकर
देवगड तालुक्यातील चाफेड ग्रामपंचायती मध्ये आज १५ ऑगस्ट दिनी गावातील प्रतिष्ठित ज्येष्ठ नागरिक सुनीता तुकाराम कांडर यांच्या हस्ते ध्वजारोहण करण्यात आले. गावचे लोकप्रिय लोकनियुक्त सरपंच किरण मेस्त्री यांनी ध्वजारोहनाचा आपला मान गावातील ज्येष्ठ नागरिक सुनीता कांडर यांना देऊन समाजात एक चांगला आदर्श निर्माण केल्याबद्दल त्यांचे विशेष कौतुक करण्यात आले.
यावेळी सरपंच किरण मेस्त्री, उपसरपंच महेश राणे, ग्रामपंचायत सदस्य सुनील कांडर, सुदर्शन उर्फ नागेश साळकर, सौ. सानवी मेस्त्री, सौ. राधिका ठुकरुल, सौ. मानसी परब, सौ. प्रतिभा मेस्त्री, माजी सरपंच आकाश राणे, संतोष साळसकर, साळशी हायस्कूल स्कूल कमिटी चेअरमन तथा माजी सरपंच सत्यवान भोगले, माजी तंटामुक्त समिती अध्यक्ष विजय परब, प्रवीण राणे, चंद्रकांत साटम, महेश उर्फ बबन परब, प्रदीप घाडी, महेश घाडी, दिनकर घाडी, सत्यवान साटम, शिक्षक विकास वाडीकर, बाबासाहेब खेडेकर, श्री पांडे, प्रफुल्ल परब आदीसह मोठ्या संख्येने ग्रामस्थ उपस्थित होते.
यावेळी सरपंच किरण मेस्त्री, उपसरपंच महेश राणे यांच्या उपस्थित ग्रामपंचायत चाफेड ते ग्रामपंचायत भरणी पर्यंत गावातील युवकांनी भव्यदिव्य अशी मोटरसायकल रॅली काढून हर घर तिरंगा ची घोषणा देण्यात आली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
