काव्य कोजागिरी...!
कोजागरती घोष जाहला……!
नभोमंडपी वेळा सजली
शरदचांदणी धरती न्हाली
कोजागरती घोष जाहला
अवनीवरती लक्ष्मी आली।।
नवधान्याचा सुगंध पसरे
कृषिवलांचे आनन हसरे
निर्मितीचा क्षण सौख्याचा
दुःखाला पळभरात विसरे।।
दुग्धप्राशने मिळे स्निग्धता
आरोग्याला येई पुष्टता
कौमुदिचा मृदु शिडकावा
दुधास लाभे शीतलता।।
स्वकीय आप्ता प्रेमे भेटुनी
कोजागरी साजरी करूनी
हेवेदावे मिटवुनी सारे
वाटू आनंद हरसदनी।। (कवयित्री : सौ. संपदा प्रभुदेसाई ,कणकवली )
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
