कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन. 

ऑल इंडिया बॅंक ऑफ महाराष्ट्र एम्पलाॅईज फेडरेशनचे चेअरमन देविदास तुळजापूरकर आणि ऑल इंडिया बॅंक ऑफ महाराष्ट्र एम्पलाॅईज फेडरेशनचे जनरल सेक्रेटरी व महाराष्ट्र स्टेट बॅंक एम्पलाॅईज फेडरेशनचे अध्यक्ष धनंजय कुलकर्णी यांची प्रमुख उपस्थिती

सिने अभिनेते अभय खडपकर आणि सुर्वे साहित्याचे अभ्यासक प्रसाद घाणेकर यांचे सादरीकरण. 

कणकवली : कविवर्य नारायण सुर्वे जन्मशताब्दी वर्षानिमित्त त्यांच्या काव्य आणि विचारांना उजाळा देण्यासाठी कणकवली येथे अभिवादन सोहळा आयोजित करण्यात आला आहे. रविवार, १८ ऑक्टोबर रोजी मुक्त पीठ, चिकूची बाग, गोपुरी आश्रम, कणकवली येथे सायंकाळी ४:४५ वाजता हा सोहळा होणार आहे. ‘भाकरीचा चंद्र शोधण्यात जिंदगी खर्च करणारे’ या भावनेतून कामगार व कर्मचारी, नारायण सुर्वे यांच्या काव्यकर्तृत्वाला अभिवादन करणार आहेत. 

यावेळी ऑल इंडिया बॅंक ऑफ महाराष्ट्र एम्पलाॅईज फेडरेशनचे चेअरमन देविदास तुळजापूरकर आणि ऑल इंडिया बॅंक ऑफ महाराष्ट्र एम्पलाॅईज फेडरेशनचे जनरल सेक्रेटरी व महाराष्ट्र स्टेट बॅंक एम्पलाॅईज फेडरेशनचे अध्यक्ष धनंजय कुलकर्णी यांची प्रमुख उपस्थिती असणार आहे. 

कार्यक्रमाचे सादरीकरण सिने अभिनेते अभय खडपकर आणि सुर्वे साहित्याचे अभ्यासक प्रसाद घाणेकर करणार आहेत.

बॅंक ऑफ महाराष्ट्र एम्पलाॅईज युनियन, कोल्हापूर यांनी निमंत्रित केलेल्या या कार्यक्रमाला उपस्थित रहावे, असे आवाहन आयोजकांच्या वतीने करण्यात आले आहे. कार्यक्रमासंदर्भात अधिक माहितीसाठी संतोष रानडे (9422392638) व धिरेश काणेकर (9404937696) या क्रमांकावर संपर्क साधावा अशी माहिती मिळत आहे.