नारिंग्रे येथे विद्यार्थ्यांना छत्री वाटप.
मसुरे | प्रतिनिधी : सिंधुदुर्ग जिल्ह्यातील देवगड तालुक्यातल्या नारिंग्रे येथील भूतवाडी ग्रामस्थ विकास मंडळ यांच्या वतीने नारिंग्रे गावातील अंगणवाडी ते चौथीपर्यंतच्या विद्यार्थ्यांना छत्री वाटपाचा कार्यक्रम करण्यात आला. नारिंग्रे गावातील आबासाहेब राणे विद्या मंदिर येथील अंगणवाडी व प्राथमिक शाळा, तसेच भूतवाडी येथील अंगणवाडी व दत्त विद्या मंदिर आणि सडावाडी येथील अंगणवाडी व प्राथमिक शाळा अशा सर्व शाळांमधील विद्यार्थ्यांना छत्री वाटपाचा कार्यक्रम करण्यात आला. मुंबईच्या मंडळाचे विश्वस्त रघुवीर वायंगणकर, अध्यक्ष प्रकाश द. घाडीगावकर, जयवंत मेस्त्री, पोलीस पाटील संदीप राणे सुनील मेस्त्री, प्रदीप घाडी, विनय घाडी, मुकेश घाडी, भरत पाटील, मंगेश घाडी, बाळा पाटील, विलास वायंगणकर आदी उपस्थित होते. यांनी सहभाग घेतला होता. या कार्यक्रमांमध्ये प्रास्तविक रघुवीर वायंगणकर यांनी केलं तर आभार प्रदर्शन मंडळाचे अध्यक्ष प्रकाश दत्ताराम घाडीगावकर यांनी मानले. कार्यक्रमाचे नियोजन जयवंत मेस्त्री यांनी केले. मुंबईच्या मंडळाचे नंदकुमार दत्ताराम घाडीगावकर यांच्यासह अनेकांचे आभार मानण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
