चाफेड गावठण येथील कुलस्वामिनी मंदिरात उद्या वार्षिक उत्सव..!
शिरगांव | संतोष साळसकर : सिंधुदुर्ग जिल्ह्यातल्या
देवगड तालुक्यातील चाफेड गावठण येथील आई कुलस्वामिनी मंदिरात उद्या शुक्रवारी १० मे रोजी वार्षिक उत्सव सोहळा आयोजित करण्यात आला आहे. यानिमित्त विविध धार्मिक कार्यक्रमांचे आयोजन करण्यात आले आहेत.
यादिवशी सकाळी १० ते १ मूर्ती पूजन व गंगा पूजन, दुपारी १.३० वाजता महाप्रसाद, ४ वाजता स्थानिक भजने, सायंकाळी ६.३० वाजता बुवा विशाल मसुरकर आणि बुवा समीर कदम यांच्यात आमने – सामने संगीत डबलबारी भजनाचा सामना रंगणार आहे. तसेच रात्रौ ११.३० वाजता श्री देव घोडेस्वर पारंपरिक दशावतार नाट्य मंडळींचा नाट्य प्रयोग सादर होणार आहे.
या सोहळ्याला सर्वांनी उपस्थित राहावे असे आवाहन आई कुलस्वामिनी मित्र मंडळ चाफेड गावठण, आई कुलस्वामिनी युवा प्रतिष्ठान , ग्रामस्थ, मुंबई मंडळ यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
