शिरगांव हायस्कूल येथे महिलांकरिता मोफत आरोग्य शिबीर संपन्न ; २७५ महिलांनी घेतला लाभ.
शिरगांव | संतोष साळसकर : सिंधुदुर्ग जिल्ह्यातल्या
देवगड तालुक्यातील शिरगांव पंचक्रोशी शिक्षण प्रसारक मंडळ, मुंबई , राजे ग्रुप , मित्र शिरगांव, आर. के. फाऊंडेशन यांच्या सौजन्याने सखी एक निरामय जीवन भारत पेट्रोलियम कॉर्पोरेशन लिमिटेड पुरस्कृत उमंग चाईल्ड ट्रस्ट भांडुप, मुंबई आयोजित महिलांकरिता भव्य मोफत आरोग्य शिबीर शिरगांव हायस्कूल येथे १९ एप्रिल रोजी संपन्न झाले. सुमारे २७५ महिलांनी या शिबिराचा लाभ घेतला.
या शिबिराचे उद्घघाटन शिरगांव हायस्कूल स्कूल कमिटी चेअरमन राजन चव्हाण यांच्या हस्ते करण्यात आले. यावेळी शिरगाव हायस्कूल चे प्राचार्य शमशुद्दिन अत्तार , संदीप साटम, माजी सरपंच अमित साटम, मंगेश लोके, रावराणे, ग्रा. पं. सदस्या सौ. स्वाती साटम, शीतल तावडे, वैष्णवी आईर, मयुरी चौकेकर, धनराज पारधी, युधिराज राणे, महेश शिरोडकर, दीपक कदम, जशिथ साटम आदी मान्यवर उपस्थित होते. ३० ते ६० वयोगटातील सुमारे २७५ महिलांनी आरोग्य तपासणी केली. यात कंप्लीट ब्लड काऊंट ( CBC ) हिमोग्लोबिन, डायबेटिज, थायरॉईड ( T३, T ४, TSH ), व्हिटॅमिन D ३, ब्रेस्ट कॅन्सर ( मेमोग्राफी ) आदी तपासणी तज्ञ डॉक्टर यांच्याकडून करण्यात आली. तपासणी केलेल्या सर्व महिलांना पोषण किट ( वस्तू ) मोफत देण्यात आल्या.
या शिबिराला उमंग चाईल्ड ट्रस्ट च्या संचालिका सौ. अश्विनी कराडे, सल्लागार अब्दुल बेंग, भारत पेट्रोलियम चे अधिकारी रवी कदम, अनोलोजिस्ट डॉ. अनिल हेरुर, एमडी पॅथोलॉजिस्ट डॉ. जयंत मांडोत, डॉ. स्वप्नील विसपुते, तंत्रज्ञ शुभांगी कोरगावकर, प्रतीक्षा सकपाळ आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
