कणकवली | प्रतिनिधी : सिंधुदुर्ग जिल्ह्यातल्या कणकवलीतील माऊली मित्र मंडळ व संलग्न मित्र मंडळाचे संस्थापक अध्यक्ष सामाजिक कार्यकर्ते राजेंद्र मनोहर पेडणेकर , माजी नगरसेवक, सामाजिक कार्यकर्ते संजय बाबी मालंडकर यांनी बांधकाम विभागाचे कार्यकारी अभियंता श्री. अजय कुमार सर्वगौड यांना पुष्पगुच्छ देऊन त्यांचे वाढदिवस अभिष्टचिंतन केले. यावेळी माऊली मित्र मंडळाचे उपाध्यक्ष अविनाश गावडे, सुभाष उबाळे, भगवान कासले, व्यापारी मित्र मंडळाचे प्रभाकर कदम, निलेश निखार्गे, बाबुराव घाडीगावकर, प्रसाद पाताडे, प्रसाद उगवेकर, योगेश पवार, बाजारपेठ मित्र मंडळाचे ( अप्पासाहेब पटवर्धन चौक) बाळा शेठ बाणे उपस्थित होते,

यावेळी संस्थापक अध्यक्ष राजेंद्र मनोहर पेडणेकर व सामाजिक कार्यकर्ते संजय मालंडकर यांनी अजय कुमार सर्वगौड यांना शुभेच्छा दिल्या. सर्व पदाधिकारी व सदस्य यांच्या उपस्थितीत गणपती साना येथे पुलाचे काम सुरू केले त्याबद्दल आभार व्यक्त केले. हे काम सुरू करताना , पाणी अडविण्यासाठी घातलेला मातीचा बंधारा हटविल्याने , आजच्या घडीला गणपती साना येथील नदीपात्रात पाणी नसल्याने, पुन्हा नव्याने मातीचा बंधारा घालून तेथे पाणी साठविण्या संदर्भात राजेंद्र मनोहर पेडणेकर यांनी चर्चा केली.

माजी नगरसेवक , सामाजिक कार्यकर्ते संजय मालंडकर यांनी यावेळी असे म्हटले की आम्ही कांबळे गल्ली, बाबा भालचंद्र महाराज नगर येथील रहिवासी असल्याने आम्हाला गणपती साना येथील संपूर्ण परिस्थिती माहिती आहे. आजच्या घडीला परिसरातील सर्व विहिरींची पाणी पातळी झपाट्याने कमी होत आहे, तरी आपण लवकरात लवकर यासंदर्भात उपाययोजना करावी. यावेळी कार्यकारी अभियंता अजय कुमार सर्वगौड यांनी पाहणी करून, उपाययोजना करण्याचे आश्वासन दिल्याचे समजते.