सावंतवाडी | ब्यूरो न्यूज : सिंधुदुर्ग जिल्ह्यातील कुडाळ पिंगुळी येथील २१ वर्षीय युवती ऐश्वर्या कवठणकर हिचा कोलगांव येथे अपघाती मृत्यू झाल्याने सिंधुदुर्ग जिल्ह्यावर नववर्षाच्या सुरवातीला शोककळा पसरली आहे. कोलगांव येथे नववर्षाच्या स्वागत कार्यक्रम आटपून सावंतवाडी येथून कुडाळला येताना आज पहाटे ५ च्या दरम्यानहा भयंकर अपघात घडला. दिवंगत ऐश्वर्या मित्र सिद्धार्थ बांदेकर हा त्याची मारुती सुझुकी कार चालवत होता तो यात जखमी झाला आहे आणि सोबतच्या अन्य दोन युवकांना दुखापत झाली आहे. त्यांच्यावर रुग्णालयात उपचार सुरू आहेत. कुडाळ येथील मित्र व त्यांची मैत्रीण असे चौघेजण कुडाळ येथून नव्या वर्षाच्या स्वागतासाठी सावंतवाडीत आले होते. नव्या वर्षाचे स्वागत जल्लोषी केल्यानंतर सावंतवाडीतून घरी परतताना कोलगाव – आकेरी मार्गे कुडाळ येथे जात असताना पहाटे पाच वाजण्याच्या सुमारास चालक
सिद्धार्थ बांदेकर यांची कार भल्या मोठ्या झाडाला आदळली आणि अपघात झाला.

या अपघाताची खबर कळताच सिद्धार्थ बांदेकरचे मामा राजू वाळके व त्यांच्या मित्रमंडळाने धाव घेत जखमी तरुणांना गाडीच्या बाहेर काढले. तर गाडीत असलेली कु. ऐश्वर्या कवठणकर हिच्या डोक्याला गंभीर दुखापत झाली होती. गाडीमध्ये अडकल्याने या सर्वांना गाडी बाहेर काढण्यात आले. आणि पोलिसांच्या मदतीने सावंतवाडी रुग्णालयात दाखल करण्यात आले होते. सावंतवाडी रुग्णालयात ऐश्वर्या कवठणकर हिचे वडील, काका व मित्रमंडळाने धाव घेतली. ऐश्वर्या कवठणकर ही कुडाळ येथे उत्कर्षनगर, रामेश्वर प्लाझा, पिंगुळी येथील रहिवासी . तिच्या पश्चात आई – वडील भाऊ व दोन काका काकी असा परिवार आहे. पोलीस अधिकारी गोते व मनोज राऊत हे अपघाताचा पुढील तपास करत आहेत. या घटनेने संपूर्ण सिंधुदुर्ग जिल्ह्यावर दुःखाचे सावट आहे.