माध्यमिक विद्यामंदिर साळशी प्रशालेत उद्देश मोरे यांचा सेवानिवृत्तीपर शुभेच्छा व सन्मान समारंभ
संतोषसाळसकर | सहसंपादक: देवगड तालुक्यातील साळशी येथील माध्यमिक विद्यामंदिर प्रशालेचे शिक्षकेतर कर्मचारी प्रशाला परिचर उद्देश सि. मोरे यांचा नियत वयोमानानुसार ३२ वर्षाच्या सेवेनंतर सेवानिवृत्ती पर शुभेच्छा, सत्कार व सन्मान सोहळा ३० नोव्हेंबर रोजी अतिशय भावूक वातावरणात संपन्न झाला.
या समारंभाचे अध्यक्ष प्रभाकर साळसकर (उपाध्यक्ष – संस्था) यांनी स्विकारले.यावेळी सत्कार मूर्ती – सौ.व श्री.उद्देश सि.मोरे, प्रमुख पाहुणे व अतिथी म्हणून -सत्यवान सावंत (चेअरमन – स्कूल कमिटी), सुनिल गांवकर (सल्लागार – संस्था), संस्था सदस्य -विजय सुतार,मंगेश साळसकर, संतोष साळसकर ,मुख्याध्यापक माणिक वंजारे, सौ.कोदले (केंद्रशाळा स.शिक्षिका), नाईक,प्रशालेचे सर्व विद्यार्थ्यी ,शिक्षक व शिक्षकेतर कर्मचारी, उद्देश मोरे यांचे कुटुंबीय व हितचिंतक या सोहळ्यास उपस्थित होते.
उपस्थित मान्यवरांच्या हस्ते सरस्वतीपूजन व दिपप्रज्वलनाने कार्यक्रमाची सुरुवात झाली.ईशस्तवन व स्वागतगीताने तसेच मुख्या. माणिक वंजारे यांनी गुलाबपुष्प देऊन सर्व उपस्थितांचे स्वागत केले.
मुख्याध्यापक माणिक वंजारे यांनी आपल्या प्रास्ताविकेतून मोरे यांच्या ३२ वर्षाच्या सेवेतील कामकाजाचा संक्षिप्त आढावा घेतला. प्रशालेच्या अनेक विद्यार्थ्यांनी व शिक्षक संजय मराठे, पुरुषोत्तम साटम , स्वप्नील भरणकर सरांनी मोरे यांच्या विषयीच्या आपल्या स्मृती मनोगतातून जागृत केल्या.
संस्था सदस्य – विजय सुतार, मंगेश साळसकर, सुनिल गांवकर यांनी ही मोरे यांच्या ३२ वर्षाच्या कारकिर्दीला उजाळा देणाऱ्या आठवणी व शुभेच्छा आपल्या विचारातून व्यक्त केल्या.मुख्याध्यापक माणिक वंजारे यांनी मोरेच्यां ३२ वर्षाच्या कार्याचा संक्षिप्त आढावा,त्या़ंचे व्यक्तिमत्त्व तसेच आठवणी यांचा उहापोह आपल्या भावुक मनोगतातून करताना पुढील वाटचालीसाठी कवितारुपी शुभेच्छा दिल्या.
सत्यवान सावंत ( चेअरमन – स्कूल कमिटी) यांनी ही मोरे यांच्या कार्याचा गौरव करणारे व शुभेच्छा देणारे विचार प्रकट केले.याऩंतर सत्कारमूर्ती – उद्देश मोरे यांचा सत्कार शाल, श्रीफळ व सफारी कापड पिस देऊन कार्य.अध्यक्ष- प्रभाकर साळसकर यांच्या हस्ते करण्यात आला.व मोरे यांच्या पत्नीचा सत्कार सौ.कोदले मॅडम यांच्या हस्ते साडी व ओटी देऊन करण्यात आला.
सत्कारमूर्ती – मोरे आपले मनोगत व्यक्त करताना -शाळा, संस्था, शिक्षक, विद्यार्थी यांच्या विषयी आपल्या भावना व आठवणी व्यक्त करताना ते भावुक झाले.अध्यक्षीय भाषणात प्रभाकर साळसकर यांनी मोरे यांचे कार्य व स्मृति विषयी आठवणी जागृत केल्या.
शेवटी आभार प्रदर्शनानंतर कार्यक्रमाचा समारोप करण्यात आला.या स़़ंपूर्ण कार्यक्रमाचे सूत्रसंचालन स्वप्नील भरणकर यांनी केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
