डेगवेतील सार्वजनिक नवरात्रोत्सव मित्र मंडळ व सिंधु रक्तमित्र प्रतिष्ठान आयोजीत रक्तदान शिबिराला उत्स्फूर्त प्रतिसाद.
डेगवे गांवात प्रथमच रक्तदान शिबिराचे आयोजन.
बांदा | राकेश परब : सिंधुदुर्ग जिल्ह्यातील सावंतवाडी तालुक्यातल्या डेगवे गांवातील सार्वजनिक नवरात्रोत्सव मित्र मंडळ व सिंधु रक्तमित्र प्रतिष्ठान सावंतवाडी यांच्या संयुक्त विद्यमाने डेगवे गावात प्रथमच रक्तदान शिबीर घेण्यात आले या रक्तदान शिबिराला पन्नास रकत दात्यांनी रक्तदान केले. त्याचप्रमाणे यावेळी मोफत डोळे तपासणी व मोफत आरोग्य तपासणी करण्यात आली. ज्या रुग्णांच्या डोळ्यांची तपासणी केली त्या रुग्णांना मोफत चष्मे वाटप करण्यात आले. चष्मा वाटप कार्यक्रमासाठी देसाई ऑप्टिशियन चे प्रोप्रायटर रामा देसाई व डॉ. सदानंद देसाई तसेच अमृत देसाई यांनी विशेष सहकार्य केले.
युवा उद्योजक श्री.विशाल परब यांच्या वाढदिवसाचे औचित्य साधून हे शिबिर आयोजित करण्यात आले होते. या शिबिरासाठी गांवातील लोकांचा उत्स्फूर्त असा प्रतिसाद लाभला. हे शिबिर यशस्वी करण्यासाठी सार्वजनिक नवरात्रोत्सव मित्र मंडळ डेगवे च्या सर्व पदाधिकारी सदस्य यांनी विशेष मेहनत घेतली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
