रेडी येथे कोकण संस्थेच्या माध्यमातून वॉटर एटीएम..!
बांदा | राकेश परब : सिंधुदुर्ग जिल्ह्यातील रेडी येथे काल ‘नॅब समृद्धी फायनान्स’ या कंपनीच्या सहकार्याने ‘कोकण’ संस्थेने येथील वॉटर एटीएमचे लोकार्पण केले. रेडी ग्रामपंचायत येथे झालेल्या या कार्यक्रमात उपमुख्य कार्यकरी अधिकारी विनायक ठाकूर (पाणी व स्वच्छता मिशन, सिंधुदुर्ग) यांनी फित कापून नुकतेच उद्घाटन केले. यावेळी व्यासपीठावर माजी आरोग्य व शिक्षण सभापती प्रितेश राऊळ, श्री मंगेश कामत ( माजी पंचायत समिती सदस्य.रेडी)
रामसिंग राणे – सरपंच, रेडी ग्रामपंचायत, सौ.नमिता नागोळकर – उपसरपंच रेडी कोकण संस्थेचे अध्यक्ष दयानंद कुबल उपस्थित होते.
या गांवाला स्वच्छ पाणी मिळवून देण्यासाठी नॅब समृद्धी फायनान्स लिमिटेड या कंपनीने आपल्या सी एस आर निधीतून या गावात वॉटर एटीएम आणि पाणी स्वच्छता सयंत्र देऊन मदतीचा हात दिला. या प्रकल्पाच्या माध्यमातून रेडी गाव आणि विभागातील २० हजाराहून अधिक लोकांना याचा लाभ होणार असून लोकांचे आरोग्य चांगले राहण्यास मदत होणार आहे. कार्यक्रमाचे यशस्वीतेसाठी कोकण संस्थेचे अजिंक्य शिंदे, अवंती गवस, समीर शिर्के, भावना साटम, प्रदीप पवार, हनुमंत गवस शशिकांत कासले बाळकृष्ण शेळके, कुणाल चव्हाण यांनी मदत केली. आजी – माजी सदस्य, सामाजिक कार्यकर्ते आणि ग्रामस्थ मोठ्या संख्येने उपस्थित असलेल्या या कार्यक्रमाचे प्रास्ताविक प्रथमेश सावंत यांनी तर आभार अजिंक्य शिंदे यांनी मानले.
समाजात वाढदिवस बरेच जण वेगवेगळ्या मार्गाने लाखो रुपये खर्च करून साजरे करतात पण असे वाढदिवस लोकांच्या दोन – पाच दिवस स्मरणात राहतात पण कोकण संस्थेचे अध्यक्ष दयानंद कुबल हे दरवर्षी आपला वाढदिवस समाजाभिमुख कार्यक्रम करून साजरा करतात.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
