अपघातात फोंडाघाट येथील जिल्हा बँक व्यवस्थापक व त्यांच्या पत्नी जखमी..!

पत्रकार भूषण मेस्त्री,पत्रकार संजोग सावंत व सहकाऱ्यांचे सजग प्रसंगावधान…!

कणकवली | उमेश परब : फोंडाघाट येथून कनेडी मार्गे हरकुळ बुद्रुकच्या दिशेने येत असताना सायंकाळी ६ वाजताच्या दरम्यान सांगवे केळीचीवाडी नजीक बैल आडवा आल्याने झालेल्या अपघातात फोंडाघाट शाखेचे जिल्हा बँक व्यवस्थापक श्रीराम मराठे किरकोळ जखमी तर त्यांच्या पत्नी स्नेहल मराठे या गंभीर जखमी झाल्या आहेत.सौ. स्नेहल मराठे यांच्या डोक्याला गंभीर दुखापत असल्याने दोघांनाही खासगी रुग्णालयात दाखल करण्यात आले आहे.

याबाबत सविस्तरवृत्त असे की, श्रीराम मराठे हे जिल्हा बँक फोंडाघाट येथील कामकाज आटपून पत्नी स्नेहल यांना सांगवे शाखेतून घेऊन हरकुळ बुद्रुक येथील घरी निघाले होते.मराठे व त्यांची पत्नी दुचाकीवरन येत असताना अचानक सांगवे केळीचीवाडी नजीक बैल समोर आला,आणि मराठे यांचा गाडी वरील ताबा सुटला,तिथेच अपघात घडला.या अपघातात दोघेही जखमी झाले आहेत रुग्णवाहिका येण्यासाठी वेळ लागत असल्याने तातडीने त्यांना उपचारांसाठी भूषण मेस्त्री यांच्या मारुती व्हॅनमधून पत्रकार संजोग सावंत व सहकाऱ्यांनी दाखल करण्यासाठी मदत कार्य केले.जखमींवर कणकवली येथील खासगी रुग्णालयात उपचार सुरु आहेत.

(फोटो : प्रातिनिधिक गुगल.)