मुणगे रस्त्यावर मिठबावच्या युवकाचा आढळला मृतदेह ; कसून तपास सुरू व श्वानशपथक दाखल..!
आचरा | ब्युरो न्यूज : सिंधुदुर्ग जिल्ह्यातील देवगड तालुक्यातल्या मुणगे रस्त्यावर मिठबाव येथील एक युवकाचा मृतदेह आढळून आला आहे. तो रक्तबंबाळ अवस्थेत असल्याने गाडीसह त्याच्यावर हल्ला करून त्याचा खून केला असावा, असा संशय पोलिसांकडून व्यक्त केला जात आहे. या युवकाचा मृतदेह रस्त्याच्या मधोमध उलट्या अवस्थेत पडलेला असून गाडीचा दरवाजा तसेच गाडीच्या काचेवर, बोनेटवर व दरवाजावर अवजड वस्तूने आघात केल्याच्या खुणा आहेत. त्यामुळे हे प्रकरण अपघात की घातपात याचा तपास लावण्यासाठी पोलीस प्रयत्न आहेत.
याबाबतची माहिती मिळताच उपविभागीय अधिकारी किशोर सावंत, देवगड पोलीस स्टेशनचे पोलिस निरीक्षक निलकंठ बगळे, सुधीर कदम, राजन जाधव, प्रसाद आचरेकर, स्वप्नील भोवर, स्वप्नील ठोंबरे यांच्यासह श्वान पथक व फॉरेन्सिक पथक घटनास्थळी दाखल झाले असून कसून तपास सुरू झाला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
