महाराष्ट्र पोलीस म्हणजे राज्यातील महिलांसाठी 'बंधुत्वाचा' सर्वात भक्कम आधार ; महिला उत्कर्ष समिती सिंधुदुर्गच्या जिल्हा अध्यक्ष ज्योतिका हरयाण यांचे प्रतिपादन.
महिला उत्कर्ष समिती सिंधुदुर्गने पोलिसांना राखी बांधून साजरा केला रक्षाबंधन उत्सव.
कणकवली | प्रतिनिधी : महिला उत्कर्ष समितीच्या सिंधुदुर्ग जिल्हा अध्यक्ष माननीय ज्योतीका हरयाण यांनी आपल्या पदाधिकारी व सदस्यांसह कणकवली पोलीस बांधवांना राखी बांधून रक्षाबंधन सण साजरा केला. महाराष्ट्र पोलीस म्हणजे महाराष्ट्रातील सर्व महिलांसाठी बंधुत्वाचा सर्वात भक्कम आधार असल्याचे प्रतिपादन त्यांनी यावेळी केले. या भक्कम आधाराच्या जोरावरच आजची स्त्री बिनधास्तपणे समाजात वावरत आहे. त्यामुळे आजच्या या रक्षाबंधनाच्या निमित्ताने आपले रक्षक असणाऱ्या कणकवलीचे पोलीस निरीक्षक अमित यादव, पोलीस हवालदार दाजी सावंत, पोलीस नाईक रुपेश गुरव, पोलीस कॉन्स्टेबल किरण मेथे, आदी पोलीस बांधवांना जिल्हा सचिव सुप्रिया पाटील ,सदस्य संगीता पाटील, स्वरदा खांडेकर, सई पाटील यांनी राखी बांधून रक्षाबंधन सणाचे महत्व जपले.
अनेक वेळा हे पोलीस बांधव आपल्या कुटुंबापासून, परिवारापासून दूर राहून समाजातील भगिनींचे रक्षण करण्यासाठी अहोरात्र झटत असतात.
रक्षाबंधन हा सण म्हणजे भावाने बहिणीच्या सुरक्षिततेची दिलेली हमी असते, आपल्या विभागात कार्यरत हे पोलीस बांधव समाजातील बहिणींच्या संरक्षणासाठी कर्तव्य तत्पर असतात याची जाणीव महिला उत्कर्ष समितीच्या सिंधुदुर्गच्या जिल्हाध्यक्ष ज्योतीका हरयाण यांनी ठेवून आपल्या सहकाऱ्यांसह विभागातील पोलीस जवानांना राखी बांधून या सणाचे महत्त्व जपले या बद्दल महिला उत्कर्ष समितीची प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
