वैभववाडी तहसीलदार दिप्ती देसाई स्वतः पोहोचल्या शेतबांधावर..!
नवलराज काळे | सहसंपादक : सिंधुदुर्ग जिल्ह्यातील मालवण वैभववाडी तालुका तहसीलदार दिप्ती देसाई थेट शेतकऱ्यांच्या बांधावर पोहचल्या. वैभववाडी येथील माईणकरवाडीत शेतकऱ्यांच्या शेतीत जाऊन त्यांनी स्वतः पिकांची माहिती घेत ई पीक पाहणी केली.
राज्यात १ जुलै पासून ई पीक पाहणी मोहीमेला सुरुवात झाली आहे. शेतक-यांनी मोबाईल ॲपद्वारे आपल्या सातबारावर पीक नोंदणी करायची आहे. या मोहीमेची माहिती देण्यासाठी स्वतः तहसीलदार शेतकऱ्यांच्या बांधावर पोहचल्या.
येथील माईणकरवाडीत भात लावणीचे काम सुरू होते. याठिकाणी सौ.देसाई यांनी जाऊन शेतकऱ्यांशी संवाद साधला. मोबाईलद्वारे पीक नोंदणी कशी करायची याची माहिती दिली.
यावेळी वाभवे तलाठी केदार बागल, एडगांव तलाठी राजेंद्र चरापले, कोतवाल संतोष काळे व शेतकरी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
