कांदळगावात 'बाल कुमार ज्ञान कोपरा' उपक्रमाचा शुभारंभ..!
मसुरे | प्रतिनिधी : मुलांना वाचनाची आवड निर्माण व्हावी म्हणून विविध प्रकारच्या योजना राबविणे आवश्यक आहे. मनुष्याच्या जीवनात वाचनाला फार महत्व आहे. आपल्या आवडीनुसार मुलांनी वाचन करावे त्यातूनच वाचनाचे महत्व समजून त्यामध्ये गोडी निर्माण व्हावी या हेतूने शासनाच्या सूचनेनुसार कांदळगाव येथील श्री रामेश्वर सार्वजानिक वाचनालय येथे बाल कुमार ज्ञान कोपरा ( Children Knowledge Corner) या उपक्रमाची सुरुवात करण्यात आली. गावातील व पंचक्रोशीतील मुलांनी याचा जास्तीत जास्त लाभ घेऊन वाचन संस्कृती वृद्धिंगत करावी असे आवाहन वाचनालयातर्फे करण्यात आले आहे.
यावेळी वाचनालयाचे अध्यक्ष श्री उदय परब, कार्यवाह श्री प्रविण पारकर व इतर पदाधिकारी, ग्रंथपाल सौ. साक्षी मेस्त्री, कर्मचारी श्री महेश साळकर, जि प. प्राथमिक शाळा कांदळगांव क्र. १ च्या मुख्याध्यापिका संध्या मेथर, सह शिक्षक श्री. बंडू राठोड, विद्यार्थी आणि वाचक आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
