मुणगे हायस्कूलचा 'बांधावरची शाळा' उपक्रम उत्साहात.
मसुरे | प्रतिनिधी : शिक्षण हे वर्गात बसून जसे घडते तसेच निसर्गाच्या सान्निध्यात देखिल घडणारे असेल तर विद्यार्थ्यांना आणखी जवळून शैक्षणिक अनुभव देऊ शकते, अशा उद्देशाने देवगड तालुक्यातील श्री भगवती हायस्कूल मुणगे येथे कृषिदिना निमित्त ‘बांधावरची शाळा’ उपक्रम संपन्न झाला.
या उपक्रमाअंतर्गत विद्यार्थ्यांना शालेय अभ्यासक्रमातील शेती विषयक धडे थेट निसर्गाच्या सान्निध्यात – म्हणजेच शाळेच्या शेजारच्या शेतात नेऊन समजावण्यात आले.
यामध्ये नांगरणी, लावणी, खत मात्रा कशी करावी याबाबत मार्गदर्शन करण्यात आले. उपक्रमानंतरच्या विविध अभिप्रायांतून प्रशाळेच्या मुख्याध्यापिका मोनिका कुंज यांनी ‘बांधावरची शाळा’ ही अनुभवात्मक शिक्षणाची एक प्रभावी पद्धत असल्याचे नमूद केले.
यावेळी गौरी तवटे, हरिदास महाले, प्रसाद बागवे, रश्मी कुमठेकर,नामदेव बागवे, स्वप्नील कांदळगावकर, सुविधा बोरकर, मनोज मुणगेकर उपस्थित होते. या उपक्रमाला ग्रामस्थ पुरुषोत्तम सावंत, रवी सावंत, सावंत यांचे सहकार्य लाभले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
