आ.वैभव नाईक यांनी शिवसेना उद्धव बाळासाहेब ठाकरे पक्षाचे तालुकाप्रमुख हरी खोबरेकर व इतर पदाधिकारी व शिवसैनिकांसह केली प्रगती पथावरील कामांची पहाणी.

मालवण | सुयोग पंडित : सिंधुदुर्ग जिल्ह्यातील कुडाळ-मालवणचे आमदार वैभव नाईक यांच्या पाठपुराव्यामुळे ‘जिल्हा परिषद सेस फंडातून’ मालवण बंदर जेटी तथा धक्क्याच्या जवळ असलेल्या जिल्हा परिषद विश्रांतीगृहाच्या नुतनीकरणासाठी १५ लाख रु मंजूर झाले आहेत. या कामाची निविदा प्रक्रिया सुरु असून लवकरच कामाला सुरुवात करण्यात येणार आहे.

पर्यटनाच्या दृष्टीने जिल्ह्यात मालवण तालुका अग्रेसर आहे. याठिकाणच्या पर्यटनात वाढ करण्यासाठी आमदार वैभव नाईक यांचे प्रयत्न सुरु आहेत. मालवण बंदर जेटी नजीक असलेले जि. प. चे विश्रांतीगृह नादुरुस्त असल्याने त्याच्या दुरुस्तीसाठी निधी मंजूर करण्याची मागणी आमदार वैभव नाईक यांनी जिल्हा परिषद मुख्यकार्यकारी अधिकारी यांच्याकडे केली होती त्यानुसार या कामासाठी १५ लाख रु मंजूर करण्यात आले आहेत. याआधी आ. वैभव नाईक यांनी मालवण मधील प्रसिद्ध आरसेमहाल व सार्वजनिक बांधकाम विभागाच्या शासकीय विश्रामगृहाच्या इमारतीसाठी देखील कोट्यावधींचा निधी मंजूर करून आणला असून प्रत्यक्षात ही कामे प्रगती पथावर आहेत. आमदार वैभव नाईक यांनी बुधवारी या तिन्ही कामांची पाहणी केली. यावेळी अधिकारी व ठेकेदार यांना आवश्यक सूचना त्यांनी केल्या.

यावेळी शिवसेना उद्धव बाळासाहेब ठाकरे पक्षाचे मालवण तालुकाप्रमुख हरी खोबरेकर, युवासेना तालुका समन्वयक मंदार ओरसकर, उपशहरप्रमुख सन्मेष परब, तपस्वी मयेकर, जिल्हा परिषद बांधकाम विभागाचे उपअभियंता श्री. सावर्डेकर, शाखा अभियंता श्री. मगर व श्री. पवार, सिद्धेश मांजरेकर, करण खडपे उपस्थित होते.