नवलराज काळे | सहसंपादक : सिंधुदुर्ग जिल्ह्यातील वैभववाडी तालुक्यातल्या एडगांव, वायंबोशी गांवात कृषी विभागा मार्फत मोफत नाचणी या भरड धान्य बियाण्याचे मोफत वाटप करण्यात आले. वैभववाडी तालुका खरेदी विक्री संघाचे चेअरमन प्रमोद रावराणे यांच्या उपस्थितीत हा कार्यक्रम संपन्न झाला. यावेळी भाजपा युवा मोर्चा जिल्हा उपाध्यक्ष राजू पवार, पंढरी रावराणे, पुरुषोत्तम रावराणे, ग्रामसेवक श्री घुगे, कृषी सहाय्यक व शेतकरी उपस्थित होते.

हे वर्ष आंतरराष्ट्रीय पातळीवर भरड धान्य वर्ष जाहीर झाले आहे. भारतीय संस्कृतीत आरोग्याच्या दृष्टीने भरडधान्य अर्थात अन्न अत्यंत महत्त्वाचे आहे. याचा प्रसार आणि प्रचार व्हावा यासाठी केंद्राने हा उपक्रम चालु आहे. पूर्ण तालुकाभर या भरड धान्या विषयी जागरूकता निर्माण करण्यात येत आहे. भरड धान्यांमध्ये ज्वारी, बाजरी, नाचणी, मका, कुट्टू, राजगिरा, कोंदरा, कुटकी, वरी, राळा या धान्याचा समावेश आहे.
वैभववाडी तालुक्यात जिथे भरड धान्य पिकवल जाईल त्या गावातील शेतकऱ्यांचा वैभववाडी ता.ख.वि.संघा मार्फत सन्मान, तसेच भरड धान्याचे उपयोग करून विविध पीठ तयार करणाऱ्या गृह उद्योग संस्थां व बचत गटांचा ही सन्मान करण्यात येणार असल्याचे प्रमोद रावराणे यांनी सांगितले. वैभववाडी खरेदी विक्री संघा मार्फत लवकरच मिलेट महोत्सव आयोजित करण्यात येणार आहे.