तळाशिलच्या श्री गोपाळ कृष्ण मंदिरात आज गोपाळ काला ; हरिनाम सप्ताहाची होणार उद्या सांगता.
मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या तोंडवळी गांवच्या तळाशिल वाडितील श्री गोपाळ कृष्ण मंदिरात आज दुपारी २ वाजल्यापासून गोपाळ काला सुरु होणार आहे. २९ जून २०२३ म्हणजे आषाढी एकादशी पासून या मंदिरात हरिनाम सप्ताह सुरु आहे.
तळाशिल वासियांसाठी ‘प्रति पंढरपूर’ अशी श्रद्धा व कीर्ती असलेल्या या मंदिरात दरवर्षी विविध धार्मिक व अध्यात्मिक सोहळ्यांचे आयोजन होते. उद्या शुक्रवारी ७ जुलैला हरिनाम सप्ताहाची सांगता होणार आहे. या निमित्ताने दुपारी १२ वाजल्यापासून महाप्रसादाचे आयोजन करण्यात आले आहे. श्री गोपाळ कृष्ण मंदिराच्या वारकरी भाविकांनी दर्शन, सोहळा व महाप्रसादाचा लाभ घ्यावा असे निमंत्रण मंदिराच्या वतीने व तळाशिल वासियांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
