तोंडवळी - तळाशील ग्रा.पं. हद्दीत स्ट्रीट लाईटसाठी ५ लाखांचा निधी मंजूर ; आ. वैभव नाईक यांनी सिंधुरत्न योजनेत केली होती शिफारस.
आचरा | प्रसाद टोपले : कुडाळ-मालवण विधानसभा मतदार संघाचे आमदार वैभव नाईक यांनी केलेल्या शिफारशी नुसार सिंधुरत्न योजनेमधून, मालवण तालुक्यातील तोंडवळी- तळाशील ग्रामपंचायत हद्दीत स्ट्रीट लाईट बसविणे या कामासाठी ५ लाख रुपयांचा निधी मंजूर करण्यात आला आहे. लवकरच हे काम पूर्ण करण्यात येणार आहे. शिवसेना उद्धव बाळासाहेब ठाकरे पक्षाचे आचरा विभाग प्रमुख समीर लब्दे, गणेश तोंडवळकर यांनी तोंडवळी- तळाशील मध्ये स्ट्रीट लाईट बसविण्याची मागणी आमदार वैभव नाईक यांच्याकडे केली होती.
सिंधुरत्न योजेनेमध्ये आमदार वैभव नाईक यांनी शिफारस करून सदर काम मंजूर करून घेतले असून त्याबद्दल समीर लब्दे, गणेश तोंडवळकर यांनी त्यांचे आभार मानले आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
