बांदा | राकेश परब : कोकण कला व शिक्षण विकास संस्था आणि नेहरू युवा केंद्र सिंधुदुर्ग यांच्या संयुक्त विद्यमाने बुधवारी २८ जूनला ‘श्री देवी यक्षिणी माध्यमिक विद्यालय बेनगाव माणगांव’ येथे शालेय विद्यार्थ्यांना जलशक्ती अभियानांतर्गत ‘कॅच द रेन’ या विषयावर सखोल मार्गदर्शन करण्यात आले . या कार्यक्रमाचे उदघाटन विद्यालयाचे मुख्याध्यापक श्री. गोविंदराव साटम यांच्या उपस्थितीत पार पडले . कोकण संस्थेच्या वतीने मान्यवरांचे पुष्पगुच्छ देऊन स्वागत करण्यात आले.

वाढत्या लोकसंख्येचा विचार केला असता पाण्याची उपलब्धता दिवसेंदिवस कमी होत आहे . त्यामुळे पडणारे पावसाचे पाणी अडवून जमिनीत मुरवण्यासाठी देशभरात जलशक्ती अभियानाची सुरवात झाली आहे. जलशक्ती अभियान हा केंद्र सरकारचा महत्वाकांक्षी प्रकल्प असून या अभियानांतर्गत लोकांपर्यंत जनजागृती व्हावी व भूजल पातळी वाढावी तसेच जलप्रदूषण कमी व्हावे यासाठी हे अभियान उपयुक्त ठरत आहे . या कार्यशाळेसाठी श्री. हनुमंत गवस व श्री. प्रथमेश सावंत यांनी उपस्थितांना जलशक्ती विषयावर सखोल मार्गदर्शन केले . यावेळी प्रशालेतील एकूण ५८ विद्यार्थी-विद्यार्थिनी या माहिती सत्राला उपस्थित होते . या कार्यक्रमासाठी शाळेचे मुख्याध्यापक श्री. गोविंदराव साटम , श्री. प्रशांत कांबळी , श्रीम. प्रणाली परब , श्रीम. वैदेही भोगले , श्रीम. भावना साटम ( प्रतिनिधी –कोकण संस्था ) यांचे सहकार्य लाभले . या कार्यक्रमाचे संपूर्ण नियोजन श्री. समिर शिर्के ( जिल्हा समन्वयक – कोकण संस्था ) यांनी केले . हा कार्यक्रम यशस्वी करण्यामागे नेहरू युवा केंद्र सिंदुदुर्ग चे युवा अधिकारी श्री. मोहितकुमार सैनी व कोकण संस्थेचे अध्यक्ष श्री. दयानंद कुबल यांचे महत्वाचे सहकार्य लाभले .

कार्यक्रमाच्या शेवटी विद्यार्थांनी पाण्याचे महत्व सांगणारी अनेक घोषवाक्ये तयार केली. विद्यार्थ्यांनी पाण्याचा योग्य वापर करण्याचा संकल्प केला. आभार प्रदर्शनाने व उपस्थितांना खाऊ वाटप करून या कार्यक्रमाची सांगता झाली .