आमदार नितेश राणे यांच्या वाढदिवसानिमित्त उपक्रम

शिरगाव | संतोष साळसकर; : कणकवली -देवगड- वैभववाडी मतदारसंघाचे आमदार नितेश राणे यांच्या वाढदिवसानिमित्त शिरगाव येथे आयोजित केलेल्या सामाजिक उपक्रमास उत्स्फूर्त प्रतिसाद लाभला
शिरगाव जिल्हा परिषद मतदार संघ विभाग व आर के फाउंडेशन शिरगावच्या वतीने आमदार नितेश राणे यांच्या वाढदिवसानिमित्त शिरगाव येथे आधार कार्ड काढणे, आधार कार्ड अपडेट करणे, पी एम किसानची केवायसी करणे, आयुष्यमान भारतचे नवीन कार्ड काढणे, ई श्रम कार्ड काढणे यासारख्या शासनाच्या विविध योजनांचा लाभ घेण्यासाठी मोठा प्रतिसाद लाभला. या शिबिरात १७० पेक्षा जास्त लाभार्थ्यांनी लाभ घेतला.सायंकाळी उशिरापर्यंत लाभार्थीची गर्दी होती.
यावेळी आमदार नितेश राणे याच्या वाढदिवसानिमित्त केक कापून उपस्थितांंनी शुभेच्छा दिल्या.
तसेच यावेळी घरापासून दूर असलेल्या शाळेत जाणा- या मुली शिक्षणापासून वंचित राहू नये म्हणून आमदार नितेश राणे याच्या वतीने मोफत देण्यात आलेल्या सायकली सहा लाभार्थ्यांना सुपूर्त करण्यात आल्या.
यावेळी भाजपा जिल्हा कार्यकारी सदस्य संदीप साटम, युवा मोर्चा तालुका अध्यक्ष अमित साटम, शिरगाव जि प गट विभाग प्रमुख राजेंद्र शेटे, माजी जि प.सदस्य सुभाष नार्वेकर, मंगेश लोके, संतोष कुमार फाटक ,अरविंद पवार, उत्तम पवार, सर्वोदय साटम, सुरेश राणे, देवदत्त कदम,आदी जि प मतदार संघातील पदाधिकारी,कार्यकर्ते मोठ्या संख्येने उपस्थित होते.