संतोष साळसकर | शिरगांव: देवगड तालुक्यातील माध्यमिक विद्यामंदिर साळशी येथे शैक्षणिक वर्ष-2023-2024 मध्ये इ.8 वी इयत्तेत नवीन प्रवेश घेणाऱ्या सर्व विद्यार्थ्यांना शाळेमार्फत मोफत वह्या, पुस्तके व गणवेश वाटपाचा कार्यक्रम अतिशय थाटात पार पडला.यानंतर इ.9 वी व 10 वी च्या विद्यार्थ्यांना ही मोफत वह्या वाटप प्रमुख उपस्थितीच्यां हस्ते करण्यात आले .

सदरच्या कार्यक्रमामध्ये स्कूल कमिटी चेअरमन – सत्यवान सावंत व उपाध्यक्ष – प्रभाकर साळसकर यांनी उपस्थित विद्यार्थी व त्यांच्या पालकांना मार्गदर्शन पर विचार आपल्या भाषणात सांगितले.

सदरच्या कार्यक्रमामध्ये स्कूल कमिटी- चेअरमन- सत्यवान सावंत, उपाध्यक्ष-प्रभाकर साळसकर, मुख्याध्यापक – माणिक वंजारे, संस्था सदस्य – संतोष आ.साळसकर, रविंद्र साळसकर,चाफेड पोलीस पाटील – संतोष सावंत, चाफेड गावचे माजी तंटामुक्त समिती अध्यक्ष प्रविण राणे ,साळशी माजी सरपंच – विशाखा साळसकर, सहाय्यक शिक्षक संजय मराठे साटम सर,तसेच मोरे, भिसे इत्यादि च्या हस्ते वह्या, पुस्तके व गणवेश वाटप इ.8 वी च्या सर्व विद्यार्थ्यांना करण्यात आले. कार्यक्रमाच्या सुरुवातीला सर्व उपस्थितांचे स्वागत करण्यात आले.सदरच्या कार्यक्रमांसाठी साळशी,चाफेड,भरणी,माईण या पंचक्रोशीतील अनेक पालक , ग्रामस्थ व प्रतिष्ठित नागरिक उपस्थित होते. या कार्यक्रमाचे सूत्रसंचालन पुरुषोत्तम साटम यांनी केले.आभार प्रदर्शनानंतर कार्यक्रमाचा समारोप करण्यात आला.