अध्यक्षपदी अनुभवी श्री. राजन नाईक तर सचिवपदी कुशल प्रशासक श्री. विकास गांवकर यांची निवड..

मालवण | वैभव माणगांवकर : गेल्या दहा वर्षांमध्ये सिंधुदुर्ग जिल्ह्यातील इलेक्ट्रॉनिक मिडियाने उल्लेखनीय कामगिरी बजावलेली आहे. प्रिंट मिडियाला पूरक अशी दर्जेदार सामाजिक करणार्या इलेक्ट्रॉनिक मिडिया सिंधुदुर्ग जिल्ह्याची नविन कार्यकारणी आज जाहीर करण्यात आली.
कणकवली येथे झालेल्या इलेक्ट्रॉनिक मिडिया सिंधुदुर्ग जिल्हा बैठकीमध्ये अनुभवी इलेक्ट्रॉनिक पत्रकार श्री राजन नाईक यांची सर्वानुमते निवड करण्यात आली. श्री विजय गांवकर यांनी चोव्वीस वर्षे अथक पत्रकारीता करणार्या अनुभवी राजन नाईक यांचा अध्यक्षपदाचा प्रस्ताव मांडल्यानंतर सर्वानुमते त्यांची निवड करण्यात आली.  

नंतर श्री.राजन नाईक यांनी गेली पंचवीस वर्षे पत्रकारिता व दहा वर्षे सृजनशील व कुशल प्रशासक म्हणून सुप्रसिद्ध असणार्या श्री. विकास गांवकर यांचे सचिवपदासाठी नांव सुचविले असता श्री. विकास गांवकर यांनाही सर्वानुमते सचिव म्हणून निवडण्यात आले. खजिनदारपदासाठी श्री विनायक वंजारे यांच्या नावालाही सर्वानुमते मंजुरी देण्यात आली.सदर कार्यकारणी ही साल http://localhost/news/public/uploads/2026 पर्यंतसाठी म्हणजेच पुढील तीन वर्षांसाठी निवडण्यात आली आहे.
महेश सावंत,विजय गांवकर,राजन नाईक, विकास गांवकर आणि विजय पालकर हे संघटनेचे संस्थापक सदस्य असल्याने ते संस्थेचे आजीवन सभासद असतील असा ठरावही या बैठकीत मंजूर करण्यात आला.
प्रतीवर्षी पत्रकार दिन साजरा करणे , वर्षातून एकदा आदर्श इलेक्ट्रॉनिक मिडिया पत्रकाराची निवड करुन गौरव करणे आणि आदर्श राजकीय नेत्याची निवड करणे अशा उपक्रमांचा ठरावही या बैठकीमध्ये मंजूर करण्यात आला.ज्यांना इलेक्ट्रॉनिक मिडियामध्ये  सदस्य व्हायचे असेल त्यांनी अध्यक्ष व सचिव यांच्याकडे त्यांचे प्रस्ताव सादर करावेत असेही बैठकीत ठरविण्यात आले.

आपली सिंधुनगरी चॅनेलचे संस्थापक व मुख्य संपादक श्री सुयोग पंडित व संचालक मंडळातील श्री.विजय रावराणे ,सौ.फिलोमीना पंडित आणि प्रा. दिनेश किडये यांनी श्री राजन नाईक, श्री विकास गांवकर आणि श्री. विनायक वंजारे यांचे अभिनंदन केले आहे.