संतोष साळसकर | सहसंपादक : परीक्षा परिषद पुणे यांच्या मार्फत वर्ष २०२१-२२ साठी घेण्यात आलेल्या शिष्यवृत्ती परीक्षेत शिरगांव हायस्कूल, शिरगांवच्या इयत्ता ८ वी च्या तीन विद्यार्थ्यांनी घवघवीत यश संपादन करून जिल्हा व तालुका गुणवत्ता धारक यादीत स्थान मिळविले. या तीन विद्यार्थ्याचा कौतुक सोहळा शिरगांव हायस्कूल व कनिष्ठ महाविद्यालय शिरगाव येथे काल संपन्न झाला.

गुणवत्ता प्राप्त विद्यार्थी :
१) कुमार निधिश राजनकुमार कदम : जिल्हा सर्वसाधारण यादीत २० वा क्रमांक

२) कुमारी माही सुधीर साटम : जिल्हा सर्वसाधारण यादीत ६३ वा क्रमांक

३) कुमारी चंदना सुनील पवार : तालुका यादीत ४ क्रमांक

या यशस्वी विद्यार्थ्यांना शाळेतर्फे पुस्तके ,गुलाब पुष्प देऊन गौरविण्यात आले. या कार्यक्रमाला शिरगांव हायस्कूल, शिरगांवचे अधीक्षक रवींद्र जोगल, कुवळे हायस्कूल चे चेअरमन विजयकुमार कदम शाळा समिती सदस्य मंगेश लोके , शैलेंद्र जाधव, स्थानिक समितीचे अध्यक्ष संतोष फाटक, संस्था सदस्य सुधीर साटम, श्रीमती श्रेया साटम मॅडम, सुनील पवार, राजनकुमार कदम, शिष्यवृत्ती विभाग प्रमुख व्ही डी लब्दे आणि श्रीमती कांदळगावकर , श्रीमती एस एस कदम, श्री सुतार व इतर मान्यवर उपस्थित होते.
कार्यक्रमाचे प्रास्ताविक शिक्षक श्री लब्दे यांनी केले तर विद्यार्थ्यांना मार्गदर्शन माजी प्राचार्य विजयकुमार कदम यांनी केले.