ओंकार चव्हाण | आवळेगांव : आवळेगांव चव्हाणवाडी मधील चर्मकार समाजातील बांधवांनी श्री सुनील सावंत (सरपंच-ग्रामपंचायत आवळेगांव) तसेच गटविकास अधिकारी श्री विजय चव्हाण,वर्ग1 ,पंचायत समिती कुडाळ यांची भेट घेऊन त्यांना चव्हाणवाडी-चर्मकार (दलित) वस्तीसाठी आवश्यक असलेली मुलभूत सार्वजनिक कामे तातडीने करणे बाबतचे निवेदन देण्यात दिले आहे.

यामध्ये आवळेगांव -चव्हाण वाडीकडे जाणारा अपूर्ण असलेला रस्ता पूर्ण करणे व त्याचे खडीकरण-डांबरीकरण करणे,रस्त्याच्या नादुरुस्त असलेल्या भागातील मोरी दुरूस्ती करणे, समाज मंदिर काम करणे, नवीन स्मशान शेड उभारणे, आवळेगांव-कासारवाडीतील जलस्वराज्य योजनेच्या विहिरीवर पाणीपुरवठा योजना करून पाणीपुरवठा करणे
इ. कामे करण्याची मागणी या निवेदनाद्वारे करण्यात आली आहे.

यावेळी गटविकास अधिकारी,कुडाळ यांनी निवेदनातील नमुद कामे करण्यासाठी आपल्या स्तरावरून पाठपुरावा करण्याची ग्वाही दिली.
निवेदन देण्यासाठी आवळेगांव -चव्हाणवाडी येथील श्री श्रीराम नारायण चव्हाण,गणपत चव्हाण,भिकाजी चव्हाण, यशवंत चव्हाण, श्रीकांत चव्हाण, लक्ष्मण चव्हाण, अनंत चव्हाण,उमेश चव्हाण, सुधाकर चव्हाण, नागेश चव्हाण, विश्वेश्वर आवळेगांवकर,पंकज चव्हाण इ. उपस्थित होते.
या निवेदनाच्या प्रती १)मुख्य कार्यकारी अधिकारी, जि प सिंधुदुर्ग, २)सभापती-समाज कल्याण विभाग-जि प सिंधुदुर्ग, ३)श्री. नागेंद्र परब जि प सदस्य यांना देण्यात आल्या आहेत.