शिरगांव महाविद्यालयाच्या विद्यार्थ्यांनी केली श्री पावणादेवी मंदिर परिसराची साफसफाई.
संतोष साळसकर | सहसंपादक : सिंधुदुर्ग जिल्ह्यातील देवगड तालुक्यातल्या शिरगांव येथील पुंडलिक अंबाजी कर्ले महाविद्यालयातील मुलांनी आज मंगळवारी येथील श्री पावणादेवी मंदिराच्या परिसराची साफसफाई केली. कालच या मंदिरात हरिनाम सप्ताह ( जत्रोत्सव ) साजरा झाला. महाविद्यालयाच्या मुलांनी केलेल्या या स्तुत्य कामाचे देवस्थान कमिटी तर्फे विशेष कौतुक करण्यात आले.
यावेळी शिरगाव पंचक्रोशी ( ता. देवगड ) शिक्षण प्रसारक मंडळाचे उपाध्यक्ष संभाजी साटम, गणपत तावडे, कार्यकारी व्यवस्थापकीय सर्जेराव गर्जे, प्राचार्य मिराशी, प्रा. विशाखा साटम, प्राध्यापिका सौ. सिध्दी कदम, प्रा. गवस, प्रा. कुंभार, प्रा. पवार मॅडम तसेच देवस्थान कमिटीचे सर्व पदाधिकारी, पाच मानकरी,ग्रामस्थ उपस्थित होते. उत्सव साजरा झाल्यानंतर दुसऱ्यादिवशी मंदिराच्या आजूबाजूला खूप कचरा जमा होतो.त्याची साफसफाई या मुलांनी केली. गेल्या वर्षी पण केली होती. याबद्दल देवस्थान तर्फे त्यांचे श्रीफळ देऊन विशेष आभार मानण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
