कुडाळ मालवण तालुक्यातील ८ ग्रामपंचायतीमध्ये सरपंच भाजपचा तर उपसरपंच शिवसेनेचा.
कुडाळ | ब्यूरो न्यूज :
कुडाळ मालवण तालुक्यातील ४४ ग्रामपंचायतींमध्ये शिवसेना उद्धव बाळासाहेब ठाकरे पक्षाचे सरपंच निवडून आले आहेत. सरपंच पदाची थेट जनतेतून निवडणूक झाल्याने अवघ्या काही मतांच्या फरकाने भाजपचे सरपंच निवडून आलेल्या ८ ग्रामपंचायतींमध्ये शिवसेनेच्या ग्रामपंचायत सदस्यांची संख्या जास्त आहे. त्यामुळे या ८ ग्रामपंचायतींवर शिवसेनेचे उपसरपंच बसणार आहेत.
त्यामध्ये कुडाळ तालुक्यातील शिवापूर ग्रा.प.मध्ये ७ पैकी ५ सदस्य शिवसेनेचे आले आहेत. महादेवाचे केरवडे येथे ७ पैकी ४, हळदीचे नेरूर येथे ९ पैकी ६, कवटी येथे ७ पैकी ५ , हुमरस येथे ७ पैकी ४, तर मालवण तालुक्यातील किर्लोस येथे ७ पैकी ६, माळगाव येथे ७ पैकी ६ सदस्य शिवसेनेचे आले आहेत. त्यामुळे याठिकाणी शिवसेनेचे उपसरपंच बसणार आहेत.तसेच बांधिवडे खुर्द कोईळ येथेही बिनविरोध उपसरपंच बसणार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
