बांदा | राकेश परब : कोकण कला व शिक्षण विकास संस्था यांच्या वतीने श्री पंचम खेमराज महाविद्यालय सावंतवाडी यांच्या सहकार्याने १ डिसेंबर जागतिक एडस् दिनानिमित्त जनजागृतीसाठी प्रभात फेरीचे आयोजन करण्यात आले होते.

सावंतवाडी गांधी चौक येथे एडस् या विषयावर पंचम खेमराज महाविद्यालयातील युवकी युवतींनी यावेळी पथनाट्य सादर करून जनजागृती केली. यांनतर महाविद्यालयात शिक्षक व विद्यार्थी यांच्यासाठी रक्त तपासणी शिबिराच्या माध्यमातून शेकडो विद्यार्थ्यांची तपासणी करण्यात आली. या कार्यक्रमात श्री सोन्सुरकर यांनी एडस् दिनानिमित्त मार्गदर्शन केले.

या कार्यक्रम प्रसंगी कोकण कला व शिक्षण विकास संस्थेच्या वतीने प्रकल्प व्यवस्थापक अजिंक्य शिंदे, अवंती गवस, कुणाल चव्हाण, प्रथमेश सावंत, प्रदीप पवार, जयराम जाधव तसेच महाविद्यालयाच्या वतीने एन एस एस विभागाचे डॉ.श्री.देविदास बोर्डे, एन सी.सी विभागाचे डॉ श्री.सचिन देशमुख, प्रा. श्रीम. सुनयना जाधव, प्रा. आर. एम.जाधव, प्रा.एम. व्ही.आठवले तसेच महाविद्यालयातील विद्यार्थी आणि विद्यार्थिनींनी या कार्यक्रमात सहभागी झाले होते.
यावेळी कार्यक्रमाला सावंतवाडी उपजिल्हा रुग्णालय ICTC विभागाचे समुपदेशक श्री.सुनील सोन्सूरकर, प्रयोगशाळा तंत्रज्ञ श्री अमित लिंगवत, श्रीम.शलाका नाईक, श्रीम. वैभवी बांदेकर यांचे विशेष सहकार्य लाभले.